20 Gapuna kinuna ni Jehova: “Ti ikkis ti panagreklamo maipapan ti Sodoma ken Gomorra,+ wen, natbag dayta, ket ti basolda, wen, nadagsen unay.+

33 Ket nalintegka+ no maipapan iti isuamin a dimteng kadakami, ta nagtignayka a simamatalek,+ ngem dakami dagidiay nagaramid a sidadangkes.+

9 Ket kasapulan a kunaendanto: “Maigapu iti kinapudno a pinanawanda ti tulag ni Jehova a Diosda+ ket nagruknoyda kadagiti sabali a didios ken nagserbida kadakuada.”’+

6 Ket kinunana kaniak: “Anak ti tao, makitam kadi no ania a dadakkel a nakarimrimon a bambanag ti ar-aramidenda,+ ti bambanag nga ar-aramiden ditoy ti balay ti Israel tapno mayadayoak iti santuariok?+ Ket kaskasdi a makakitakanto manen iti dadakkel a nakarimrimon a bambanag.”

9 Gapuna kinunana kaniak: “Ti biddut ti balay ti Israel ken Juda+ nakadakdakkel unay,+ ket ti daga napno iti panagibukbok iti dara+ ket ti siudad napno iti kinakillo;+ ta kinunada, ‘Binaybay-an ni Jehova ti daga,+ ket ni Jehova saan a kumitkita.’+

7 Sika, O Jehova, kukuam ti kinalinteg, ngem kadakami ti sibabain a rupa kas itoy nga aldaw,+ kadagiti lallaki ti Juda ken kadagiti agnanaed iti Jerusalem ken kadagidiay amin a kameng ti Israel, kadagidiay asideg ken kadagidiay adayo iti amin a dagdaga a nangiwarawaraam kadakuada gapu iti saanda a kinamatalek a babaen iti dayta nagtignayda maibusor kenka.+

5 Ngem maitunos iti kinatangkenmo+ ken awan panagbabawina a pusom+ agur-urnongka iti pungtot+ a maipaay iti bagim iti aldaw ti pungtot+ ken ti pannakaipanayag+ ti nalinteg a panangukom ti Dios.+