-
Salmo 22:superskripsion-31Baro a Lubong a Patarus ti Nasantuan a Kasuratan
-
-
Iti mangiwanwanwan iti Kabaian nga Ugsa ti Bannawag. Samiweng ni David.
22 Diosko, Diosko, apay a pinanawannak?+
Apay nga adayoka iti panangisalakan kaniak,+
Iti sasao ti panagungorko?+
2 O Diosko, umaw-awagak iti aldaw, ket saanka a sumungbat;+
Ken iti rabii, ket awan ti kinaulimek iti biangko.+
6 Ngem maysaak nga igges,+ ket saanak a maysa a tao,
Maysa nga um-umsien dagiti tattao ken makapasimron kadagiti umili.+
7 No maipapan kadagidiay amin a makakitkita kaniak, aramidendak a mauy-uyaw;+
Ingangngangada a naimbag dagiti ngiwatda, ingilngilangilda ti uloda:+
8 “Intalekna ti bagina ken Jehova.+ Bay-an nga Isu ilisina!+
Bay-an nga isu ispalenna, yantangay naragsakan kenkuana!”+
9 Ta sika Daydiay nangaon kaniak iti tian,+
Daydiay namagtalek kaniak bayat ti kaaddak kadagiti suso ni inak.+
11 Dika agtalinaed nga adayo kaniak, agsipud ta ti rigat adda iti asideg,+
Agsipud ta awan ti sabali a katulongan.+
12 Adu nga urbon a toro ti nanglikmut kaniak;+
Dagidiay met laeng mannakabalin ti Basan pinalikmutandak.+
14 Kas iti danum naiparukpokak,+
Ket amin a tultulangko napagsisina iti maysa ken maysa.+
Ti pusok nagbalin a kas allid;+
Nalunag iti kaunggan ti makin-uneg a paspasetko.+
15 Ti bilegko nagmaga kas iti maysa a ribak ti damili,+
Ket ti dilak naidekket kadagiti gugotko;+
Ket iti tapok ni patay sika isasaadnak.+
16 Ta dagiti aso pinalikmutandak;+
Ti ummong dagiti mismo a managaramid iti dakes tinikubdak.+
Kas iti maysa a leon addada iti im-imak ken saksakak.+
20 Ti kararuak ispalem iti kampilan,+
Ti kakaisuna a kukuak manipud iti mismo a gammat ti aso;+
21 Isalakannak iti ngiwat ti leon,+
Ket kadagiti sara dagiti atap a toro sungbatannak koma ken isalakannak.+
23 Dakayo a managbuteng ken Jehova, idaydayawyo!+
Dakayo amin a bin-i ni Jacob, idayawyo!+
Ket maaliawkayo kenkuana, dakayo amin a bin-i ni Israel.+
Wenno uray kinarumen ti pannakaparigat daydiay naparigatan;+
Ket saanna nga inlinged ti rupana manipud kenkuana,+
Ket idi isu nagpatulong kenkuana dinengngegna.+
25 Agtaudto kenka ti panangidaydayawko iti dakkel a kongregasion;+
Dagiti karik tungpalekto iti sanguanan dagidiay agbuteng kenkuana.+
26 Dagidiay naemma mangandanto ket mapnekda;+
Dagidiay mangsapsapul kenkuana idaydayawdanto ni Jehova.+
Ti puspusoyo agbiag koma iti agnanayon.+
27 Amin dagiti ungto ti daga manglagipdanto ket agsublida ken Jehova.+
Ket amin dagiti pamilia ti nasnasion agruknoydanto iti sanguanam.+
29 Amin dagidiay nalukmeg iti daga mangandanto ket agruknoydanto;+
Iti sanguananna agparintumengto amin dagidiay bumabbaba nga agturong iti tapok,+
Ket awan a pulos ti asinoman a makataginayonto a sibibiag iti bukodna a kararua.+
-
-
Isaias 53:1-12Baro a Lubong a Patarus ti Nasantuan a Kasuratan
-
-
53 Siasino ti naaddaan iti pammati iti banag a nangngeganmi?+ Ket no maipapan iti takiag ni Jehova,+ siasino ti nakaipanayaganna?+ 2 Ket isu tumpuarto a kas saringit+ iti sanguanan ti maysa, ken kas ramut manipud iti awanan danum a daga. Isu awanan iti nadaeg a porma, wenno uray aniaman a kinangayed;+ ket inton isu makitatayo, awan sadiay ti langa tapno isu tarigagayantayo koma.+
3 Isu inumsi ken liniklikan dagiti tattao,+ maysa a tao a nairanta kadagiti ut-ot ken makaam-ammo iti sakit.+ Ket adda idi ti kasla panangilinged ti rupa ti maysa manipud kadatayo.+ Isu naumsi, ket imbilangtayo a kas awan patpategna.+ 4 Pudno unay a dagiti sakittayo isuda ti inawitna;+ ket no maipapan kadagiti ut-ottayo, inimetna ida.+ Ngem isu imbilangtayo kas nasaplit,+ kinabil ti Dios+ ken naparigatan.+ 5 Ngem isu naduyok+ gapu iti salungasingtayo;+ isu nailupitlupit gapu kadagiti bidduttayo.+ Ti pannakadusa a maipaay iti talnatayo naadda kenkuana,+ ket gapu kadagiti sugatna+ adda pannakapaimbag kadatayo.+ 6 Datayo amin nagallaallatayo kas karkarnero;+ nagturongtayo tunggal maysa iti bukodna a dalan; ket ni met laeng Jehova impasangona iti daydiay+ ti bidduttayo amin. 7 Isu napagsagaba,+ ket palpalubosanna idi ti bagina nga agtuok;+ kaskasdi a saanna a ngangaen ti ngiwatna. Isu maip-ipan idi a kas iti karnero nga agturong iti pannakaparti;+ ket kas iti kabaian a karnero a nagumel iti sanguanan dagiti mamukpukis kenkuana, saanna met a ngangaen ti ngiwatna.+
8 Gapu iti pannakamedmed ken iti pannakaukom isu naipanaw;+ ket siasino ti makibiangto uray kadagiti detalye ti kaputotanna?+ Ta isu naisina+ manipud iti daga dagidiay sibibiag.+ Gapu iti salungasing+ ti ilik naadda kenkuana ti pannaplit.+ 9 Ket aramidennanto ti lugar a pagitabonanna a kaduana a mismo dagidiay nadangkes,+ ken kadua ti klase nabaknang iti ipapatayna,+ agpapan pay iti kinapudno nga awan inaramidna a kinaranggas+ ket awan allilaw iti ngiwatna.+
10 Ngem ni met laeng Jehova naragsakan iti panangrumek kenkuana;+ isu pinagsakitna.+ No isaadmonto ti kararuana kas daton gapu iti babak,+ makitananto ti kaputotanna,+ paatiddogennanto dagiti aldawna,+ ket iti imana agballiginto+ no ania ti pakaragsakan+ ni Jehova. 11 Gapu iti pakariribukan ti kararuana isu makakitanto,+ isu mapnekto.+ Babaen ti pannakaammona daydiay nalinteg, ti adipenko,+ iyegnanto ti nalinteg a takder iti adu a tattao;+ ket dagiti biddutda awitennanto.+ 12 Iti dayta a rason isu ipaayakto iti bingay kadagiti adu,+ ket kadagidiayto mannakabalin ti pangibingayanna iti samsam,+ gapu iti kinapudno nga imparukpokna ti kararuana agingga iti mismo nga ipapatay,+ ket isu naibilang kadagiti managsalungasing;+ ket inawitna ti mismo a basol ti adu a tattao,+ ket isu bimmallaet maipaay kadagiti managsalungasing.+
-
-
Daniel 9:26Baro a Lubong a Patarus ti Nasantuan a Kasuratan
-
-
26 “Ket kalpasan ti innem a pulo ket dua a lawas magessatto ti Mesias,+ nga awan aniaman nga agpaay kenkuana.+
“Ket ti siudad ken ti nasantuan a disso+ dadaelento ti ili ti maysa a panguluen nga um-umay.+ Ket ti panungpalanna babaento iti layus. Ket agingga iti panungpalan addanto gubat; ti naikeddeng ket dagiti panaglangalang.+
-