3 Ta mangibukbokakto iti danum iti daydiay mawaw,+ ken tumartaredted a barbaresbes iti rabaw ti namaga a disso.+ Iparukpokkonto ti espirituk iti bin-im,+ ken ti bendisionko kadagiti kaputotam.

28 “Ket kalpasanna mapasamakto nga iparukpokko ti espirituk+ iti tunggal kita ti lasag,+ ket ti annakyo a lallaki ken ti annakyo a babbai+ sigurado nga agipadtodanto. No maipapan kadagiti lallakay kadakayo, agtagtagainepdanto kadagiti tagtagainep. No maipapan kadagiti agtutuboyo a lallaki, makakitadanto kadagiti sirmata.

16 simmungbat ni Juan, a kunkunana iti amin: “Siak, iti biangko, bautisarankayo iti danum; ngem um-umay daydiay nabilbileg ngem siak, nga iti galut dagiti pallokana saanak a maikari a mangwarwar.+ Bautisarannakayto iti nasantuan nga espiritu ken iti apuy.+

4 ket napnoda amin iti nasantuan nga espiritu+ ket nangrugida nga agsao iti nagduduma a pagsasao,+ kas iti impaay kadakuada ti espiritu tapno sawenda.

16 Gapu itoy nalagipko ti sasao ti Apo, no kasano a kinunkunana, ‘Ni Juan, iti biangna, nangbautisar iti danum,+ ngem mabautisarankayto iti nasantuan nga espiritu.’+

13 Ta pudno unay a babaen ti maymaysa nga espiritu nabautisarantayo+ amin iti maymaysa a bagi, uray no Judio wenno Griego, uray no ad-adipen wenno siwayawaya, ket napainumtayo+ amin iti maymaysa nga espiritu.