25 Insungbat ni Bildad+ a Suhita:
2 “Kukuana ti turay, isu ket mapagbutbutngan;
Pagbalbalinenna a natalna ti langit.
3 Adda kadi makabilang iti armadana?
Adda kadi ti saan a madanon ti lawagna?
4 Kasano ngarud nga agbalin a nalinteg ti tao iti imatang ti Dios,+
Wenno kasano nga agbalin a nadalus ti inyanak ti maysa a babai?+
5 Uray ti bulan ket saan a naraniag kenkuana
Ken saan a nadalus dagiti bituen iti panagkitana,
6 Anianto la ketdin ti tao, a maysa la a sur-it,
Ken ti anak ti tao, a maysa la nga igges!”