Panid Dos

Maysa a kangrunaan a pammati iti Iglesia Katolika Romana ket dayta ti kankanayon a maymaysa a pudno nga Apostoliko nga Iglesia. Dagiti Katoliko naisuroda a ti panagkaykaysa iti iglesia ket pammaneknek iti kinapudnona. Ngem itatta dagiti Katoliko napasanguanda iti maysa nga iglesia a nasinasina kadagiti parparikut maipapan iti teolohia, moral, pannakaimaton ti iglesia, ken dagiti naikeddeng a porma iti ritual wenno ar-aramid.

Ti pangngeddeng ti papa maipapan kadagiti napapateg a bambanag iti pammati ken iti moral ti supsuppiaten dagiti teologo a Katoliko ket dayta ti saan a sursuroten dagiti adu a matalek. Maysa nga arsobispo a Katoliko nangipasdek iti internasional nga agkakadua a seminario a maipaay a pangsanayan kadagiti bumusbusor a papadi. Umad-adu a napasnek a Katoliko ti mariro ken agimtuod, ‘Apay a nasinasina ti iglesiak?’