Panid Dos

Ti “Holocaust”​—daytat’ sao a mangipalagip iti sistematiko a panangpapatay kadagiti minilion a Judio iti sidong ti Nazi a panangituray ni Hitler idiay Alemania manipud 1933 agingga iti 1945. Ngem dayta met ti mangibangon kadagiti adu a salsaludsod:

Pudno kadi a napasamak dayta?

Masapul kadi nga ibilang ti Holocaust a didigra laeng dagiti Judio?

Apay nga iruartayo manen daytoy a tema, nasurok a 40 a tawenen kalpasan ti panagpatingga ti Gubat Sangalubongan II?

Adda kadi aniaman nga agkedked gapu iti konsiensia kadagiti pagalagadan ni Hitler?

Apay a pinalubosan ti Dios a mapasamak ti Holocaust?

Ania ti adda a namnama dagiti minilion a napapatay wenno dagidiay a nagtrabaho wenno nabisinan agingga iti ipapatay bayat dagita a narikut a panawen? Ti kadi ipapatayda ti naudin a sao a maipaay kadakuada, wenno agbiagdanto pay kadi?

Ti panglukattayo a serie usigennanto dagitoy a salsaludsod.