Panid Dos

ADDA sangalubongan a panagayatda kadagiti parke. Minilion dagiti agaripuno kadagita kada tawen. Nanipud idi nagbalin ti Yellowstone (makitayo ditoy) a damo a nasional a parke ti lubong idi 1872, nasurok a sangagasut a daga ti nangipasdek iti agarup 2,000 a nasalakniban a disso, a kas pangarigan, ti Glacier National Park idiay Estados Unidos (a makita ditoy akkub).

Apay a magustuan ti tattao dagiti parke? Agbalinto ngata ti daga a maymaysa a sangalubongan a parke? Ania a peggad ti masarakan kadagiti adu a parke, ken kasanoyo a tagiragsaken a sitatalged dagita? Daytoy a ruar ti Agriingkayo! saanna la a sungbatan dagitoy a saludsod no di ket ilawlawagna pay no kasanonto a maikkat, inton tiempona, dagiti peggad nga ipapaay dagiti dadduma nga animal.