Baro nga Enciklopedia ti Biblia

Adut’ nagsursurten a mangiyebkas iti panangapresiarda iti baro nga enciklopedia iti Biblia a naawatda. “Anian a nagsayaatan a katulongan iti panagsirarak dagiti dua a baro a tomo iti Insight on the Scriptures!” insurat ti maysa a taga Wisconsin, E.U.A. a buyogen ti panaginteres. “Pudno a daytat’ nagsayaatan a sagut, maysa a diakto malipatan iti agnanayon ket ikagumaak ti mangusar a naan-anay iti dayta,” insurat ti maysa a babai idiay Jamaica, West Indies.

Dagiti dua a tomo iti Insight on the Scriptures naglaonda iti nakagupgopan a 2,560 a panid a nalawag, nalaka a basaen a tipo. Dagiti rinibribo nga artikulona ket naurnos sigun iti alpabeto ken nalawat’ saklawenda. Dagitoy mainaigda kadagiti tattao, luglugar, mulmula ken an-animal, dagiti napapateg a pasamak, piguratibo nga ebkas idiay Biblia, ken ti rekord ti pannakilangen ti Dios iti sangatauan.

Limapulo ket tallo a tema ti napataud kas naisangsangayan a paset a napnuan kolor. Adu kadagitoy ti mangiraman kadagiti mapa ken ladladawan iti geograpikal a luglugar ken pabuya ti museo, agraman dagiti dadduma nga ar-aramid iti arte a nadisenio a tumulong kadakayo a makasirmata kadagiti salaysay iti Biblia. Naipaay dagiti napapateg a nalikudan ken material a mangilawlawag kadagiti nasursurok pay a 3,500 a teksto ti Biblia. Nairaman dagiti indese ti tema, kasuratan, ken mapa ti lugar.

Awatenyo daytoy nakapatpateg, dua-tomo nga enciklopedia babaen ti panangibusonyo iti naipakuyog a kupon agraman ti ₱200.

Pangngaasiyo ta mangipatulodkayo, nabayadanen ti seliona, ti dua-tomo nga enciklopedia ti Biblia nga Insight on the Scriptures. Mangisapitak iti ₱200. (Iti ruar ti Filipinas, agsuratkayo iti lokal a sanga ti Watch Tower Society maipaay iti impormasion.)