Agyamanak iti “Agriingkayo!”

UMAD-ADU a managbasa daytoy a magasin ti agyaman gapu iti pannakalawlawag a maaw-awatda maipapan kadagiti nakaad-adu a tema. Idiay makin-abagatan a Francia maysa a lalaki ken ti asawana a Saksi ni Jehova ti nakaawat iti sumaganad a surat manipud iti maysa a baro a nakaibatianda iti maysa a kopia ti Agriingkayo!

“Patgek a Señior ken Señiora:

“Pagaammok la unay a ti Dios addaan kadagiti dadduma pay a banag nga aramiden malaksid ti mangpennek iti sangkabassit a nakakatkatawa a pamay-an iti pannakakitatayo iti pannakibiangna iti tunggal kasasaad. Nupay saan a kasta a mismo ti kapanunotak, mamatiak a ti isasangpetyo idi a pumampanawakon iti balay ket saan laeng a basta pannakaiparna. Naaddaanak laeng iti tiempo nga umawat iti Agosto 8, 1990, a ruar iti Agriingkayo! Anian a nakalkaldaang koma no napalabesko dayta!

“Ti nainsiriban a panangusig iti serie a ‘Ti Panangituray ti Tao Nakatin kadagiti Timbangan’ kinayawanna ti interesko ket pinagsiddaawnak bassit. Kayatko ti pamay-an ti pannakaiparang ti serie . . . Ngarud, dawatek koma nga iyurnosyo nga umawatak kadagiti umay a ruar iti Agriingkayo! Diak koma kayat a mapalabes ti aniaman iti daytoy a serie.”

Dagiti Saksi ni Jehova ket maysa nga internasional nga organisasion a nasurok nga uppat a milion nga estudiante ti Biblia a naipamaysa a tumultulong kadagiti tao a mangammo iti ad-adu pay maipapan iti lubong iti aglawlawda ken maipapan iti Sao ti Dios ken ti kaitungpalanna. No kayatyo ti maaddaan iti ad-adu pay nga impormasion wenno ti libre a panagadal ti Biblia iti pagtaengan, pangngaasiyo ta agsuratkayo iti Watchtower, P.O. Box 2044, 1099 Manila, wenno iti maitutop a direksion a nailista iti panid 5.