Dagus a Kinissayanna ti Bilang Dagiti Nalulok iti Sekso
Impadamag ti maysa a mamalbalakad iti maysa nga unibersidad idiay Oklahoma, E.U.A. a ti libro a Dagiti Saludsod nga Iyimtuod ti Agtutubo—Dagiti Sungbat nga Epektibo naaramidanna ti adda iti ngato. Insurat ti mamalbalakad iti Langston University:
“Isingasingko iti asinoman a mamalbalakad kadagiti agtutubo nga agtawen iti 13-18 nga usarenda daytoy a naisangsangayan a libro. Ilawlawagna ti sekso iti wagas a makatulong kadagiti estudiantetayo tapno maliklikanda dagiti parikut daytoy nariribuk a kagimongantayo. Iti kapadasak, naammuak a makatulong dayta tapno maammuanda ti pagtungpalanda no nalulokda. Ibinsabinsana kadakuada dagiti nadumaduma nga iyakar-sekso a sakit kas ti AIDS, benereal a sakit, herpes, ken gonorrhea.
“No kayatyo ti makidenna, isurona a rumbeng a pilienyo ti maysa laeng a kapareha iti biag, ken itandudona ti kinasagrado ti panagasawa. Talaga a tinagiragsakko ti panangbasa iti dayta a libro. Dakkel ti epektona iti biag dagiti nakabasa iti dayta. Napaliiwko a dagus a kinissayanna ti bilang dagiti agsikog a babbalasitang kadagiti agpabpabalakad kadakami kalpasan a naiyam-ammo dayta.”
No kayatyo ti maaddaan iti kopia ti Dagiti Saludsod nga Iyimtuod ti Agtutubo—Dagiti Sungbat nga Epektibo wenno maysa a libre a panagadal iti Biblia, pangngaasiyo ta agsuratkayo iti Watch Tower, P.O. Box 2044, 1099 Manila, wenno iti maitutop a direksion a masarakan iti panid 5.