“Nagsayaatan ti Naisurat”

Naawat ti Watch Tower Society ti maysa a surat ti panangapresiar manipud iti maysa a managbasa idiay California, E.U.A., a kinunana: “Ti Agriingkayo! maipapan iti ‘Kinaliday​—Ti Maaramidanyo iti Dayta’ (Setiembre 22, 1993) gutugotennak nga agsurat tapno ibagak kadakayo no kasanot’ panangtagiragsakko kadagiti magasin iti nabiit pay. Nagsayaatan ti naisurat, ket dagiti artikulo maipapan iti kinaliday nagsayaatan ti pannakaisuratda ken kas daniw. Kasta met, apresiarek ti kinapudno dagiti artikulo iti panangipabiang iti kinaliday iti naliday a tao a mismo. Pudno unay a yebkas dagiti artikulo ti nauneg a panagayat ken panangipateg ni Jehova iti ilina.”

Dagiti magasin a Ti Pagwanawanan ken Agriingkayo! ket iwarwaras dagiti Saksi ni Jehova iti sangalubongan. Ti umuna, a mangiparang kadagiti naibatay-Biblia a pannakaisalaysay dagiti tema dagiti isyu, ket maipabpablaak iti 115 a pagsasao, a ti promedio a mayimprenta iti tunggal isyu ket nasurok a 16 milion. Ti naudi, a mangipaay kadagiti makaisuro nga impormasion maipapan iti nagduduma a tema, ket magun-odan iti 73 a pagsasao ket addaan promedio a mayimprenta a dandani 13 milion.

No kayatyo ti umawat kadagiti sample nga isyu dagitoy a magasin, pangngaasiyo ta makiumankayo kadagiti Saksi ni Jehova idiay Kingdom Hall iti lugaryo, wenno agsurat iti direksion nga asideg kadakayo kas nailista iti panid 5.