‘Maysa Kadagiti Kasaknapan nga Angaw iti Historia’

“SIAK a mismo ket kumbinsido a ti teoria ti ebolusion, nangruna ti kasaknap ti pannakayaplikarna, ket maysanto kadagiti kasaknapan nga angaw iti historia dagiti libro iti masanguanan. Masdaawto dagiti kaputotantayo nga inawattayo ti nakapuy ken karkarna a kapanunotan buyogen iti kakuykuyogna a naisalsalumina a panangallilaw.” Dagita ti sasao ti Britano a broadcaster ken mannurat a ni Malcolm Muggeridge (1903-90) kadagiti bitla nga impaayna idiay University of Waterloo, Ontario, Canada. Kinunana pay: “Patiek a nasaokon kadakayo idi ti maipapan iti daytoy a panawen kas maysa kadagiti manangallilaw unay iti historia, ken kayatko nga iraman ti ebolusion kas maysa a pagarigan.”

Apay ngarud a nagadu a sientista ti mamati iti ebolusion? Dayta a saludsod ken adu pay a dadduma ti detaliado a masungbatan iti 254-panidna a libro a Life​—How Did It Get Here? By Evolution or by Creation? No kayatyo a basaen daytoy a libro, dikay bumdeng a makiuman kadagiti Saksi ni Jehova iti lugaryo, wenno agsurat iti kaasitgan a direksion a nailista idiay panid 5.

Ti Nakristianuan a trabaho ti panangisuro dagiti Saksi ni Jehova ket masupsuportaran babaen kadagiti boluntario a donasion.