“Nagarubos ti Lulua iti Rupak”

“Kauk-ukagko pay laeng ti Marso 8, 1995, nga Agriingkayo! ket binasak ti artikulo iti makinlikud nga akkub a mangituktukon iti broshur a No Adda Matay nga Ay-ayatenyo. Napauluan ti artikulo iti ‘Nakarigrigat ti Idadakkel No Isut’ Awan.’ Nagarubos ti lulua iti rupak bayat ti panangbasak kadagiti komento manipud ti agtutubo idiay Austria a naulila iti ama sangapulo a tawenen ti napalabas. Agtawenakon iti 50, ket naulilaak iti ama idi agtawenak iti 7. Isut’ natay iti kanser idi agtawen iti 39. Nangrugi laeng nga agladingitak iti ipapatayna idi naospitalak gapu iti nakaro a panagliday innem a tawenen ti napalabas. Agpapaagasakon bayat ti napalabas a lima a tawen ket masapul a sursuruek no kasano a masarangetko a sibaballigi ti dadduma a narikut a bambanag.

“Idi binasak daytoy a surat manipud Austria, impagarupko no adda nakaro a biddutko wenno kamali ti pammatik. Impagarupko no sisiak laeng ti tao nga addaan iti kastoy a nagdakkelan a pagkapuyan ken nakaro a kinaliday gapu ken tatangko. Makaparegta unay a maammuan a saan la a sisiak ken addada sabsabali a padak a makarikna ti kastoy.

“Binasak ti intero a broshur a No Adda Matay nga Ay-ayatenyo. Ti kunak, dayta ti kasayaatan pay laeng a publikasion a naisurat a kasapulak.”​—Mrs. A. G., Connecticut, E.U.A.

Naulilakayo kadin iti ay-ayaten gapu ken patay? Kayatyo kadi ti umawat iti pudno a liwliwa nga ipaay ti Biblia? Ngarud dikay bumdeng a mangkiddaw iti maysa a kopia daytoy 32-panidna a broshur babaen ti panagsuratyo iti Watch Tower, P.O. Box 2044, 1099 Manila, wenno iti maitutop a direksion a nailista iti panid 5 daytoy a magasin.