‘Pangngaasiyo ta Iyalaandak iti 100 a Kopia’

Ni Hildegard, maysa kadagiti Saksi ni Jehova nga agnanaed idiay Alemania, ti nangted iti kopia ti Pebrero 22, 1995, nga Agriingkayo! iti gynecologist-na. Naglaon ti magasin iti serye dagiti artikulo a napauluan “Nasaysayaat a Pannakaawat iti Menopause.”

Kalpasanna, idi sinarungkaran ti balasang ni Hildegard ti isu met la a doktor, naammuanna a nabasanan dagiti artikulo. Kiniddawna: “Pangngaasim man ta damagem ken ni nanangmo no mayalaannak iti sangagasut a kopia.”

Idi naitulod dagiti magasin, kinuna ti doktor: “Dikay ipapan nga agbalinakto a maysa kadagiti Saksi ni Jehova. Ngem nagsayaat ti pannakaisurat dagitoy nga artikulo maipapan iti menopause isu a rumbeng a basaen dagiti pasientek.”

Di nagbayag kalpasanna, nadamag ni Hildegard a sidadaan nga inawat dagiti pasiente ti magasin. Kinapudnona, maysa a babai ti nagkuna a saanna laeng a tinagiragsak dagiti artikulo maipapan iti menopause no di pay ket ti dadduma pay nga artikulo iti magasin. Isu a tineleponuan ni Hildegard ti opisina ti doktorna tapno damagen no kasapulan pay ti kanayonan a kopia. “Mabalin kadi nga iyalaandakami iti sangagasut pay?” dinamag ti assistant.

No kayatyo ti maaddaan iti kopia ti Agriingkayo! wenno kayatyo ti maaddaan iti libre a panagadal iti Biblia, pangngaasiyo ta agsuratkayo iti Watch Tower, P.O. Box 2044, 1099 Manila wenno iti maitutop a direksion a nailista iti panid 5.