Ti Agriingkayo! ket Apresiaren ti Maysa a Periodista

Ti sumaganad a singasing ket nagparang iti High Country News nga Oktubre 13, 1997 a naipablaak idiay Paonia, Colorado, E.U.A.

“Mabalin a saanen nga agbalaybalay ti Greenpeace [maysa nga internasional nga organisasion para iti aglawlaw], ngem agtultuloy latta ti maysa pay a grupo iti nabayagen a pannakidiskutirna, a masansan a mangipagpaganetget kadagiti isyu maipapan iti aglawlaw. Mangibumbunong iti minilion [19 a milion iti kada ruar] a kopia ti materialna iti agarup 60 [kinaagpaysuanna 81] a pagsasao, agraman Pidgin, Hiligaynon, ken Zulu. Iti akkub ti Hulio 8 [1997] a ruar, inyimtuodna: ‘Asinonto ti Mangispal Kadagiti Animaltayo?,’ salaysayenna ti iyaadu dagiti maung-ungaw (tallo iti kada oras), ti ‘biolohikal a salun-at ti planeta,’ ken ekolohikal a bandalismo . . . Ti Ago. 22, 1997, a ruar salaysayenna ‘Ti Krisis ti Danum: Sangalubongan a Parikut,’ ken dagiti ibunga ti iyaadu ti populasion, polusion ken internasional a tension maipapan iti panangusar kadagiti karayan . . . Nupay ti impormasion ket naibasar iti siensia ken adut’ saklawenna, makunak nga adu kadagitoy nga artikulo ket saan a bin-ig a pannakaseknan iti aglawlaw ti salaysayenda. Kunada a no kayatmo ti makipaset iti pannakapasayaat ti daga, “Pangngaasim ta adalem ngarud ti kalikaguman ti Dios kenka babaen ti panagadalmo iti Biblia.’

“Ti grupo ket dagiti Saksi ni Jehova, ken ti publikasion ket ti Agriingkayo! No dida umay iti balayyo, makiumankayo iti Watchtower Bible and Tract Society of New York Inc., 25 Columbia Heights, Brooklyn, NY 11201-2483.”

Dimi mayebkas dayta iti kasta a kinasayaat malaksid ti pananginayonmi iti, “wenno agsuratkayo iti kaasitgan a direksion a nailista iti panid 5 ti Agriingkayo!”