“Magustuak ti Panangilawlawagna Kadagiti Bambanag”
Kasta ti imbaga ti maysa nga agkabannuag a katulongan iti pannakatarawidwid ti negosio a taga Yucatán, Mexico, maipapan iti panangilawlawag ti magasin nga Agriingkayo! iti nadumaduma a tema. Sigun iti suratna, adda katrabahuanna a Saksi iti kompania ti insurance a pagpapaayanda a nangted kenkuana iti Agriingkayo!
Maipapan iti Agriingkayo!, kinunana: “Talaga a gubuayan ti impormasion ken kinapudno. Magustuak ti panangilawlawagna kadagiti bambanag, tangay awan ti aniaman a dasdasiganna iti politika ken saan a mangidumduma kadagiti tattao. Naammuak dagiti solusion ti adu a problema babaen ti panagbasak iti daytoy a magasin. Makaay-ayo, natimbeng unay, adelantado ken adut’ maisurona daytoy a publikasion. Naimpusuan unay a kablaawankayo!”
Sumagmamano a tawenen ti napalabas, inusig ti Agriingkayo! ti karit ti panangdaer iti ipapatay ti maysa nga ay-ayaten. Dayta nga impormasion ket naurnos manen ken naisalaysay iti broshur a napauluan No Adda Matay nga Ay-ayatenyo. Nalabit maliwliwaka wenno adda am-ammom a maliwliwa babaen ti panangbasana iti daytoy 32-panidna a broshur. Mabalinmo ti agkiddaw iti kopiam no suratam ken ipatulodmo ti naipakuyog a kupon iti address a makita iti kupon wenno iti maitutop nga address a nailista iti panid 5 daytoy a magasin.
◻ Kayatko ti maaddaan iti kopia ti broshur a No Adda Matay nga Ay-ayatenyo.
◻ Interesadoak iti libre a panagadal iti Biblia iti pagtaengan.