“Kanayon Idi a Pagarupek a Sisiak”
KASTA ti imbaga ti maysa a 13-anyos a ni Ulrike a taga California, E.U.A., gapu iti panagadalna iti libro a Ti Sekreto ti Kinaragsak iti Pamilia. Insuratna:
“Talaga nga apresiarek ti kinapudno nga inlanadyo iti kapitulo a ‘Makapagballigi Dagiti Agsolsolo ti Nagannakna a Pamilia!’ Tinulongannak nga agbalin a nasingsingpet ken ad-adda a manangtulong ken ni nanangko agsipud ta agsolsolo nga ina. Tinulongannak met nga ad-adda a mangtarus no kasano ti panagriknana. Kanayon idi a pagarupek a sisiak ti addaan iti nasaem a rikna.” Kastoy ti konklusion ti agtutubo: “Nagdakkel ti naitulong dayta a libro kaniak!”
Minilion iti intero a lubong ti natulonganen daytoy 192-panidna a libro. Ti Sekreto ti Kinaragsak iti Pamilia matulonganna ti amin a miembro ti pamilia—assawa a lallaki, assawa a babbai, nagannak, annak, dagiti lolo ken lola—wen, dagiti amin a tattao. Ti sumagmamano kadagiti makaisuro a kapitulona ket “Sanayenyo ti Anakyo Manipud iti Kinamaladaga,” “Tulonganyo ti Tin-edyeryo a Rumang-ay,” “Salaknibanyo ti Pamiliayo Kadagiti Makadangran nga Impluensia,” ken “Taginayonenyo ti Talna iti Sangakabbalayanyo.”
Tapno maaddaanka iti kopiam, pangngaasim ta suratam ken ibusonmo ti naipakuyog a kupon iti address nga adda iti kupon wenno iti address a nailista iti panid 5 daytoy a magasin. Makaawatkanto kadagiti espesipiko a singasing a makatulong a mangsolbar kadagiti problema ken mamagbalin iti biag ti pamilia a naragsak a kas iti panggep ti Namarsua.
□ Patulodandak iti libro a Ti Sekreto ti Kinaragsak iti Pamilia.
□ Interesadoak iti libre a panagadal iti Biblia iti pagtaengan.