“Talaga a Nakapimpintas!”

◼ Idiay Brazil, nagustuan ti maysa a maestro iti geograpia ti makaisuro a kinapateg ti Agriingkayo! Kastoy ti insuratna: “Ti magasin ad-adu ti ipapaayna kaniak a material a pagisuro ngem iti adu a publikasion a nairanta nga agpaay kadagiti mannursuro. Nupay didak karelihionan, umanamongak kadagiti prinsipio nga isursuro ti Agriingkayo!”

Ngem naamiris daytoy a maestro a ti Agriingkayo! ket maysa laeng kadagiti adu a publikasion nga ipapaay dagiti Saksi ni Jehova. Kastoy ti insuratna: “Adda estudiante iti maikanem a grado a nangipabulod kaniak iti broshur a ‘Kitaem ti Naimbag a Daga.’ Nasdaawak iti nagsayaat nga impormasion a linaonna. Talaga a nakapimpintas! Gapu ta mabalindan nga iladawan ken sapulen dagiti pasamak ti Biblia, napatpategen ti panagadal iti Biblia, nangruna kadagiti agtutubo.”

Kinunana pay: “Dagiti publikasionyo addada iti sadinoman a lugar: iti bus, kadagiti estudiante, ken uray kadagiti nakapila iti banko. Maragsakanak a makakita a maidandanon dagitoy kadagiti nakurapay a komunidad a narigat a pakadanonan ti nasayaat nga impormasion. Kablaawankayo iti nagsayaat a trabahoyo.”

Magun-odan ti ‘Kitaem ti Nasayaat a Daga’ iti agarup 80 a pagsasao. Aduan dayta iti de kolor a mapa ken retrato a mangyilustrar iti nadumaduma a paset ti lubong a nadakamat iti Biblia, nangruna ti Naikari a Daga kabayatan ti nadumaduma a tiempo. Mabalinmo ti agkiddaw iti kopia daytoy 36 ti panidna a broshur no suratam ti naipakuyog a kupon ken ibusonmo dayta iti adres a makita iti kupon wenno iti maitutop nga adres iti panid 5 daytoy a magasin.

□ Kayatko ti maaddaan iti broshur a ‘Kitaem ti Nasayaat a Daga.’

□ Interesadoak iti libre a panagadal iti Biblia.

[Picture Credit Line iti panid 32]

Akkub ti broshur: Pictorial Archive (Near Eastern History) Est.