Kanta 14
Napabaro ti Amin a Banag
1. Kas Ari, ni Kristo naisaaden.
Sidadayag nga agturturayen.
Ti kabusorna naitapuaken.
Pagayatan ti Dios, matungpalen.
(KORO)
Agrag-o ti sangatauan!
Ta Dios adda kadakuadan.
Awanton rigat ken sangsangit,
Uray patay wenno ladingit.
Kuna ti Dios: ‘Amin ket pabaruek.
Kaniak, inkay agtalek.’
2. Baro a Jerusalem, nagimnasen,
Nobiat’ Kordero, O nagngayeden!
Nasudi a saniatat’ arkosna,
Dayag ni Jehova ti lawagna.
(KORO)
Agrag-o ti sangatauan!
Ta Dios adda kadakuadan.
Awanton rigat ken sangsangit,
Uray patay wenno ladingit.
Kuna ti Dios: ‘Amin ket pabaruek.
Kaniak, inkay agtalek.’
3. Dayta a siudad, adut’ pagrag-oenna;
Silulukat dagiti ruanganna.
Amin a nasion, magnat’ lawagna;
Intay iyanninaw ti dayagna.
(KORO)
Agrag-o ti sangatauan!
Ta Dios adda kadakuadan.
Awanton rigat ken sangsangit,
Uray patay wenno ladingit.
Kuna ti Dios: ‘Amin ket pabaruek.
Kaniak, inkay agtalek.’
(Kitaem met ti Mat. 16:3; Apoc. 12:7-9; 21:23-25.)