PASET 6

Ania ti Masursurotayo iti Dakkel a Layus?

Dinadael ti Dios dagiti dakes ngem insalakanna ni Noe ken ti pamiliana. Genesis 7:11, 12, 23

Tumtumpaw ti daong, malmalmes dagiti dakes a tattao, ken pampanawan dagiti rebelde nga anghel ti lasag a bagida

Nagtudo iti 40 nga aldaw ken 40 a rabii, ket nalayus ti intero a daga. Natay amin a dakes a tattao.

Pinanawan dagiti nagrebelde nga anghel ti lasag a bagida ket nagbalinda a demonio.

Ni Noe, ti pamiliana, ken dagiti animal rimmuarda iti daong ket adda bullalayaw a nagparang iti tangatang

Nakalasat dagidiay adda iti uneg ti daong. Uray natay idi agangay da Noe ken ti pamiliana, pagungarento ida ti Dios nga adda namnamada nga agbiag nga agnanayon.

Dadaelento manen ti Dios dagiti dakes ken isalakanna dagiti nalinteg. Mateo 24:37-39

Us-usaren ni Satanas ken dagiti demoniona ti nadumaduma a pamay-an tapno mayaw-awan dagiti tattao

Intultuloy ni Satanas ken dagiti demoniona nga allilawen dagiti tattao.

Kas idi tiempo ni Noe, adu met ita ti saan a sumursurot kadagiti naayat a bilin ni Jehova. Asidegen a dadaelen ni Jehova ti amin a dakes a tattao.—2 Pedro 2:5, 6.

Us-usaren dagiti Saksi ni Jehova ti Biblia a mangasaba iti maysa a lalaki; maysa a lalaki nga agbasbasa iti Biblia

Adda dagiti tattao a kas ken Noe. Dumdumngegda iti Dios ken ar-aramidenda ti imbagana; isuda dagiti Saksi ni Jehova.