Interfaith
Maymaysa kadi a Dios ti daydayawen ti amin a relihion?
Awaten kadi ni Jehova ti amin a relihion uray no agduduma ti isursuroda?
Mt 7:13, 14; Jn 17:3; Efe 4:4-6
Makatulong a salaysay iti Biblia:
Jos 24:15—Imbaga ni Josue a dua laeng ti pagpilian, agserbi ken Jehova wenno kadagiti didiosen
1Ar 18:19-40—Babaen ken propeta Elias, impakita ni Jehova a dagiti agdaydayaw iti pudno a Dios ket masapul a saan nga agdayaw iti sabali a dios kas ken Baal
Ania ti panagrikna ni Jehova kadagiti dios dagiti nasion ken ti panangdaydayaw kadagita?
Ania ti panagrikna ni Jehova no ibagbaga dagiti tattao nga agdaydayawda kenkuana ngem lalaokanda met dayta kadagiti aramid a kagurana?
Isa 1:13-15; 1Co 10:20-22; 2Co 6:14, 15, 17
Makatulong a salaysay iti Biblia:
Ex 32:1-10—Timmulok ni Aaron idi pinilit dagiti padana nga Israelita nga agaramid iti estatua nga urbon a baka nga usarenda a mangselebrar iti “piesta para ken Jehova,” isu a nakapungtot iti kasta unay ni Jehova
1Ar 12:26-30—Tapno saan a mapan dagiti tattao iti templo idiay Jerusalem, nangaramid ni Ari Jeroboam kadagiti idolo a mangirepresentar ken Jehova, isu a nagbasol dagiti tattao
Ania ti insuro ni Jehova kadagiti Israelita maipapan iti pannakikadua kadagiti agdaydayaw iti sabali a dios?
Ania ti inaramid ni Jehova idi nakiraman ti ilina nga agdaydayaw kadagiti sabali a dios?
Uk 10:6, 7; Sal 106:35-40; Jer 44:2, 3
Makatulong a salaysay iti Biblia:
1Ar 11:1-9—Gapu ta nangasawa ni Ari Solomon kadagiti ganggannaet a babbai, naimpluensiaan nga agdaydayaw kadagiti sabali a dios ket tinulad met dayta ti dadduma isu a nakapungtot ni Jehova
Sal 78:40, 41, 55-62—Imbaga ni Asaf a gapu ta nagrebelde ken nakiraman ti Israel iti idolatria, nasaktan ni Jehova isu nga inlaksidna ti ilina
Supsuportaran kadi ni Jesus dagiti narelihiosuan a sursuro a maikontra iti Sao ti Dios?
Makatulong a salaysay iti Biblia:
Mt 16:6, 12—Inkompara ni Jesus dagiti pannursuro dagiti Fariseo ken Saduceo iti lebadura gapu ta dagiti ulbod a sursuro ket nagalisto nga agwaras ken dadaelenda dagiti kinapudno iti Sao ti Dios
Mt 23:5-7, 23-33—Tinubngar ni Jesus dagiti eskriba ken Fariseo gapu ta aginsisingpetda ken kinaulbod ti isursuroda
Mr 7:5-9—Imbutaktak ni Jesus a napatpateg kadagiti eskriba ken Fariseo dagiti tradision ti tao imbes a dagiti pannursuro ti Sao ti Dios
Kayat kadi ni Jesus a mangbukel dagiti pasurotna iti agduduma a relihion?
Makatulong a salaysay iti Biblia:
Jn 15:4, 5—Inusar ni Jesus ti puon ti ubas kas ilustrasion a mangipakita kadagiti pasurotna a masapul a naikaykaysada kenkuana ken kadagiti padada a Kristiano
Jn 17:1, 6, 11, 20-23—Iti maudi a rabii ni Jesus a kaduana dagiti apostolna sakbay ti ipapatayna, inkararag ni Jesus nga agkaykaysa koma ti amin a pudno a pasurotna
Dagiti kadi agduduma a kongregasion Kristiano idi umuna a siglo ket agpapada ti patpatienda ken ti wagas ti panagdaydayawda ken Jehova?
Makatulong a salaysay iti Biblia:
Ara 11:20-23, 25, 26—Nagkaykaysa ken nagtitinnulong dagiti kongregasion idiay Antioquia ken Jerusalem
Ro 15:25, 26; 2Co 8:1-7—Impakita dagiti Kristiano idi umuna a siglo ti ayatda babaen ti panagtitinnulongda iti tiempo ti rigat a mangipakita nga agkaykaysada
No ibaga ti maysa a relihion a mamatida ken Kristo, umdas kadi daytan tapno akseptaren ti Dios ti relihionda?
No saan a suroten ti maysa dagiti pannursuro ni Kristo ken dagiti apostol, maakseptar ngata ti panagdaydayawna?
Makatulong a salaysay iti Biblia:
Mt 13:24-30, 36-43—Nagusar ni Jesus iti ilustrasion tapno ipakitana a kas kadagiti ruot iti talon, adu dagiti agpammarangto a Kristiano ken makastrekda iti kongregasion
1Jn 2:18, 19—Imbaga ti lakayen nga apostol a ni Juan nga adun dagiti antikristo bayat ti maudi a paset ti umuna a siglo