Panangikasaba iti Naimbag a Damag

Apay nga ipakpakaammo ti amin a pudno a Kristiano dagiti patpatienda?

Mt 28:19, 20; Ro 10:9, 10; Heb 13:15

Kitaem met ti Ara 1:8; 1Co 9:16

Kasano kapateg ken Jesus ti panangikasaba iti naimbag a damag?

Lu 8:1; Jn 18:37

Makatulong a salaysay iti Biblia:
- Lu 4:42-44—Imbaga ni Jesus a naibaon ditoy daga tapno mangasaba
- Jn 4:31-34—Imbaga ni Jesus a pannakataraonna ti panangikasaba iti naimbag a damag

Dagiti laeng kadi lallaki a mangidadaulo iti kongregasion ti addaan iti responsabilidad a mangikasaba iti naimbag a damag?

Sal 68:11; 148:12, 13; Ara 2:17, 18

Makatulong a salaysay iti Biblia:
- 2Ar 5:1-4, 13, 14, 17—Imbaga ti balasitang nga Israelita iti Siriano nga amona a babai ti maipapan iti propeta ni Jehova a ni Eliseo
- Mt 21:15, 16—Idi indaydayaw dagiti ubbing ni Jesus, nakapungtot dagiti panguluen a papadi ken eskriba, ngem inlinteg ida ni Jesus

Ania ti akem dagiti manangaywan a Kristiano no iti panangikasaba iti naimbag a damag ken iti panangisuro kadagiti sabsabali?

1Te 1:5, 6; 2Ti 2:2; 1Pe 5:2, 3

Kasano a tultulongannatayo ni Jehova ken ni Jesus a mangasaba?

2Co 4:7; Fil 4:13; 2Ti 4:17

Makatulong a salaysay iti Biblia:
- Ara 16:12, 22-24; 1Te 2:1, 2—Uray namaltrato ni apostol Pablo ken dagiti kakaduana, situtured nga intultuloyda ti nangasaba babaen ti tulong ti Dios
- 2Co 12:7-9—Adda “siit ti lasag” ti nagaget a manangaskasaba a ni apostol Pablo, nalabit problema iti salun-at; ngem inikkan ni Jehova iti bileg tapno maitultuloyna ti mangasaba

Asino wenno ania ti mangted iti maysa a Kristiano iti autoridad a mangasaba?

1Co 1:26-28; 2Co 3:5; 4:13

Makatulong a salaysay iti Biblia:
- Jn 7:15—Nasdaaw dagiti tattao ken Jesus ta nagadu ti ammona uray saan a nagadal iti eskuelaan dagiti rabbi
- Ara 4:13—Dagiti apostol ni Jesus ket naibilang nga ordinario ken awan adalda; ngem naregta ken naturedda a manangaskasaba

Kasanotayo nga ammo a kayat ni Jehova a sanayentayo ti dadduma a mangasaba ken mangisuro?

Mr 1:17; Lu 8:1; Efe 4:11, 12

Makatulong a salaysay iti Biblia:
- Isa 50:4, 5—Sakbay a nagbalin a tao ti Mesias, sinanay a mismo ni Jehova a Dios
- Mt 10:5-7—Idi adda ditoy daga ni Jesus, siaanus a tinulonganna dagiti adalanna a mangasaba

Ania koma ti panangmatmattayo iti trabahotayo a mangikasaba iti naimbag a damag?

Mt 11:29, 30; 1Ti 1:12

Ania ti mariknatayo no ikasabatayo ti naimbag a damag?

Lu 10:1, 17; Ara 13:48, 52; 15:3; 20:35

Ania dagiti mabalintayo nga ikasaba?

Mt 24:14; 28:19, 20; Ara 26:20; Apo 14:6, 7

Kitaem met ti Isa 12:4, 5; 61:1, 2

Apay nga ibutaktak dagiti Kristiano dagiti ulbod a sursuro?

2Co 10:4, 5

Makatulong a salaysay iti Biblia:
- Mr 12:18-27—Inusar ni Jesus ti Kasuratan a makirinnason kadagiti Saduceo tapno paneknekanna a kamali ti patpatienda maipapan iti panagungar
- Ara 17:16, 17, 29, 30—Nakirinnason ni apostol Pablo kadagiti taga-Atenas tapno ipakitana a saan nga umiso ti idolatria

Kasano ti panangasabatayo?

Ara 5:42; 17:2; 20:20

Apay a mangaskasabatayo kadagiti publiko a lugar?

Jn 18:20; Ara 16:13; 17:17; 18:4

Kitaem met ti Pr 1:20, 21

Apay a masapul a naanus ken determinadotayo a mangasaba?

Isa 6:9-11; 2Pe 3:9

Ania dagiti naimbag a resulta ti panangasabatayo?

Ara 14:20-22; 19:9, 10

Apay a nakasaganatayo koma a mangasaba tunggal adda gundaway?

1Co 9:23; 1Ti 2:4; 1Pe 3:15

Makatulong a salaysay iti Biblia:
- Jn 4:6, 7, 13, 14—Uray no nabambannog ni Jesus, inranudna latta ti naimbag a damag iti Samaritana iti abay ti bubon
- Fil 1:12-14—Uray idi nakabalud ni apostol Pablo, inaramidna ti amin a kabaelanna tapno makapangasaba ken maparegtana ti dadduma

Namnamaentayo kadi a dumngeg ti amin a makasabaantayo?

Jn 10:25, 26; 15:18-20; Ara 28:23-28

Makatulong a salaysay iti Biblia:
- Jer 7:23-26—Babaen ken Jeremias, imbaga ni Jehova a mauli-ulit a saan a dimngeg ti ilina kadagiti propetana
- Mt 13:10-16—Inlawlawag ni Jesus a kas idi kaaldawan ni Isaias, adu ti makangngeg iti mensahe ngem saanda nga awaten dayta

Apay a saantayo koma a masdaaw nga adu a tattao ti saan a dumngeg gapu ta busy-da unay?

Mt 13:22; 24:38, 39; Lu 17:28, 29

Kasanotayo nga ammo nga adda dagiti dumngeg ken umawat iti mensahetayo iti damo ngem saanda nga agtultuloy?

Mr 4:14-17; Jn 6:65, 66

Apay a saantayo koma a masdaaw no adda dagiti direkta a mangbusor iti panangasabatayo?

Ara 13:50; 18:5, 6; 1Pe 4:12-14

Ania ti masapul nga aramidentayo no adda mangbusor iti panangasabatayo?

Mt 5:10-12; 10:14, 23; Fil 1:7

Apay a masiguradotayo nga adda dagiti umawat iti naimbag a damag?

Lu 8:15; Jn 4:40, 41; Ara 16:14, 15; 17:11, 33, 34

Ania ti nadagsen a responsabilidad iti Dios dagiti mangikaskasaba iti naimbag a damag?

Ara 20:26, 27; 1Co 9:16, 17; 1Ti 4:16

Kitaem met ti Eze 33:8

Apay a masapul a kasabaantayo ti amin a tattao aniaman ti relihion, puli, wenno nasionalidadda?

Mt 24:14; Ara 10:34, 35; Apo 14:6

Kitaem met ti Sal 49:1, 2

Mabalintayo kadi ti mangasaba iti aniaman nga aldaw ti lawas, a pakairamanan ti Sabbath?

Ara 5:42; 13:42, 44; 16:13

Apay a masapul a kasabaantayo ti amin a tattao uray adda bukodda a Biblia ken relihion?

Ara 13:46; Ga 2:7, 8