Impormasion Para Kadagiti Umatender

Bautismo Depende iti kasasaad iti lugaryo, adda dagiti inyurnos dagiti panglakayenyo tapno mabautisaran dagiti kandidato kalpasan ti sesion iti agsapa ti Sabado.

Donasion Maipatpatarus daytoy a kombension iti nasurok a 500 a lengguahe. Makatulong dagiti boluntario a donasionyo tapno masuportaran ti sangalubongan a trabaho. Mabalinyo ti agdonar online iti donate.jw.org. Maapresiar unay ti amin a donasionyo. Agyamyaman ti Bagi a Manarawidwid iti kinaparabur ken suportayo kadagiti trabaho para iti Pagarian.