AGABO

Kristiano a mammadto a simmalog manipud Jerusalem a kadua ti dadduma pay a mammadto ket nagturongda idiay Antioquia ti Siria bayat ti tawen a panagyan sadiay ni Pablo.

Babaen ti espiritu impadto ni Agabo “a ti dakkel a panagbisin asideg idin a mapagteng iti intero a mapagnaedan a daga.” (Ara 11:27, 28) Kas kunaen ti salaysay, natungpal ti padto bayat ti panagturay ni Emperador Claudio (41-54 K.P.). Ti Judio a historiador a ni Josephus tinukoyna daytoy “dakkel a panagbisin.”​—Jewish Antiquities, XX, 51 (ii, 5); XX, 101 (v, 2).

Idi arinunos ti maudi a panagdaliasat ni Pablo kas misionero (agarup 56 K.P.), nagkitada ken Agabo idiay Cesarea, ket indemostra ni Agabo ti padto maipapan iti pannakaarestonto ni Pablo idiay Jerusalem babaen ti panangalana iti barikes ni Pablo ket pinarautanna ti bukodna a saksaka ken im-ima.​—Ara 21:8-11.