MADON

[nagtaud iti berbo a kaipapananna ti “mangukom”].

Naarian a siudad dagiti Canaanita a kimmappon a mismo iti Hasor maibusor kadagiti Israelita ket idi agangay naabak dayta. (Jos 11:1-12; 12:19) Kadawyan a maikunkuna a ti Madon ket isu ti Qarn Hattin (Horvat Qarne Hittim), agarup 8 km (5 mi) iti laud nga amianan-a-laud ti Tiberias. Kasla nataginayon ti kadaanan a naganna iti Khirbet Madin, agarup 1 km (0.6 mi) iti abagatan. Nupay kasta, pagduaduaan ti dadduma no pudno met laeng a nataginayon ti naganna agsipud ta naibatay laeng dayta iti panagpada ti nagan iti Biblia ken ti nagan ti Madin a kabangibangna.