Makapatignay Unay a Libro!

“Kalkalpasko pay la a binasa ti Mabalinyo ti Agbiag nga Agnanayon iti Paraiso a Daga,” insurat ti maysa a babai a taga Chicago, Illinois, iti nabiit pay. “Sumaganad iti Biblia nasarakak a daytoy a libro iti apagpag-isu unay, makaparegta, ken makatignay a pagbasaan a nabasak pay laeng.” Intuloyna nga inlawlawag:

“Ti umuna a pannakiam-ammok kadagiti Saksi ni Jehova ket maysa a negatibo a banag. Idi damo nasarakak a kasla nakababain no masansan nga umayda a mangsarungkar iti pagtaengan no iyadalandak iti Kasuratan. Dadduma a miembro ti pamiliak ti nangipagarup nga agmauyongak iti innak panagimdeng kadakuada. . . . Itan naaddaanakon ti gundaway a nakaimatang no ania a talaga ti kinapudno babaen iti panangbasbasak iti daytoy a libro . . . Apresiarek a talaga no maaddaanak koma ti regular a panagadal ti Biblia a kaduak ti maysa nga adda iti organisasion.”

Ti libro a Mabalinyo ti Agbiag nga Agnanayon iti Paraiso a Daga salaysayenna ti ngangngani amin dagiti kontrobersial a sursuro ti Biblia, nga inurnongna a sangsangkamaysa dagiti ebidensia iti ababa ken nalaka a maawatan a sungbat a nalawag iti managbasa. Ti 256 a panid ti pagbasaan, a kaasping ti panid daytoy a magasin naglaon iti nasurok a 150 a makaisuro nga ilustrasion, kangrunaanna iti napipintas a kolor. Agpedidokayo itan. ₱30.00 laeng.

Kur-itan ti maysa wenno dua: Pangngaasiyo ta patulodandak ti libro a Mabalinyo ti Agbiag nga Agnanayon iti Paraiso a Daga. [ ] Mangilukonak ti ₱30.00.

[ ] Kayatko ti maysa kadagiti Saksi ni Jehova a mangsarungkar a mangisarsarita ti Biblia nga awan bayadna.