‘Maysa a Pudno a Mosaic’

Kastat’ panangdepinar ti maysa a managbasa manipud Argentina iti kaipabpablaak a libro a Panangbiruk ti Sangatauan iti Dios. “Daytat’ naglaon iti nagduduma a porma ken elemento, kasla mosaic,” insuratna. “No kasano a ti maysa a mosaic ket maysa a disenio a naaramid kadagiti nagduduma nga elemento, daytoy a libro ket naglaon kadagiti kakasta a nagduduma a tema ken panangilawlawag maipapan relihion a mangkellaat iti managbasa.”

“Pangkaaduan, naan-anay nga awan ammo dagiti managpaliiw a taga Lumaud kadagiti Makindaya a pammati ken dagiti nagtaudanda.” Kaskasdi, kas napaliiw daytoy a manangapresiar a managbasa, daytoy a libro salaysayenna ti “manipud Hinduismo aginggat’ Zionismo, aginggat’ Budhismo ken dagiti sekta ti Kakristianuan, ken agingga kadagiti di mabilang a sabsabali pay a relihiuso nga idea. Daytat’ maysa a naglalaok a katulongan,” inlawlawagna, “para iti asinoman a mangpalpalutpot kadagiti relihion.”

Ngangngani amin a tao ammoda laeng ti relihion dagiti nagannakda ken masansan a nakarabrabaw laeng pannakaawatda. Ngem rebbeng kadi a ti relihionyo isu daydiay nabangonanyo, wenno rebbeng kadi a mangaramidkayo iti nainsiriban a panagpili kalpasan panangidiligyo iti relihionyo kadagiti relihion dagiti sabsabali? Ti 384-panidna a libro a Panangbiruk ti Sangatauan iti Dios tulongannakayo a mangaramid itoy a panamagdilig. Mabalinnakayo met daytoy nga iyasideg nga ad-adda iti pudno a Dios.

Kayatko a maammuan no kasano ti umawat iti 384-panidna, de-kolor pannakaiyilustrarna a mapagadalan a libro a Panangbiruk ti Sangatauan iti Dios. (Agsurat iti direksion nga adda iti baba para iti impormasion. Iti ruar ti Filipinas, agsurat iti lokal a sanga ti Watch Tower para iti impormasion. Kitaenyo ti panid 2.)