Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • w98 12/15 p. 32
  • Ipangagyo Kadi ti Pakdaar?

Awan video-na ti napilim.

Pasensiakan, adda problema iti pannakai-load ti video.

  • Ipangagyo Kadi ti Pakdaar?
  • Ti Pagwanawanan Mangibumbunannag iti Pagarian ni Jehova—1998
Ti Pagwanawanan Mangibumbunannag iti Pagarian ni Jehova—1998
w98 12/15 p. 32

Ipangagyo Kadi ti Pakdaar?

IDI Mayo 19, 1997, nagallawig iti distrito ti Chittagong, Bangladesh. Gistay 250 a kilometro kada oras ti kapegges ti angin a nairekord iti ili ti Cox Bazaar. Kadagiti away, naitayab lattan dagiti pan-aw a kalapaw, ket nabati laeng dagiti babassit a kuadrado a pitak a dati a nagtakderanda. Nagabut dagiti kayo ken poste ti telegrama; natukkol a kasla palito ti posporo dagiti dadduma. Impadamag ti maysa a paulo ti pagiwarnak a Bhorar Kagoj a 105 a tattao ti natay gapu iti allawig.

Inyanunsio ti agipakpakaammo iti kasasaad ti paniempo ti mapattapatta a dalan ti bagyo agarup 36 nga oras a nasaksakbay. Di pagduaduaan, adu a biag ti nakalasat ta ginasut a ribu a tattao ti simmukob kadagiti konkreto a pagkamangan no adda bagyo.

Iti nasurok a sangagasut a tawen itan, iwarwaragawag dagiti Saksi ni Jehova ti damag maipapan iti um-umay a didigra a narungrungsot nga amang ngem iti aniaman a bagyo. Aw-awagan ti Biblia dayta a “ti dakkel ken nakakigkigtot nga aldaw ni Jehova.” (Joel 2:31) Babaen ti panangipangag kadagiti naimpadtuan a mensahe a pakdaar a masarakan iti Biblia, nalabit malasatantayto ti rungsotna.​—Sofonias 2:2, 3.

Dagiti Saksi ni Jehova saanda a mammadles maipapan iti panungpalan. Mensahe ti namnama ti iyegda. Tarigagayanda a tulongan dagiti tattao a mangammo maipapan iti Pagarian ti Dios, a dandanin mangikkat iti amin a kinakillo ditoy daga. Kuna kadatayo ti Sao ti Dios, ti Biblia: “Bassit pay a darikmat, ket ti nadangkes maawanton: wen, mingmingamto a sigaganetget ti ayanna, ket awanton. Ngem dagiti naemma tawidendanto ti daga, ket maay-ayatandanto iti kinaruay ti talna.”​—Salmo 37:10, 11.

[Picture Credit Line ti Ladawan iti panid 32]

WHO/League of Red Cross

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share