Ti Kapatgan a Pagteng iti Historia

ISU ti ipapatay ni Jesu-Kristo. Apay a nagpateg? Gapu iti adu a rason.

Ti kinamatalek ni Jesus agingga ken patay pinaneknekanna a mabalin a salimetmetan dagiti tattao ti kinatarnawda iti Dios.

Gapu iti ipapatay ni Kristo, naaddaan ti dadduma iti gundaway a makipagturay kenkuana idiay langit. Mangipaay met iti gundaway tapno matagiragsak ti adu pay a tattao ti biag nga agnanayon iti paraiso a daga.

Iti rabii sakbay ti ipapatayna, nangusar ni Jesus iti awan lebadurana a tinapay ken nalabaga nga arak a mangisimbolo iti naayat a datonna kas tao. Sana kinuna kadagiti adalanna: “Itultuloyyo nga aramiden daytoy kas panglaglagip kaniak.” (Lucas 22:19) Dumar-aykayo kadi iti daytoy nagpateg a pagteng?

Sibabara nga awisendakayo dagiti Saksi ni Jehova a makipagrambak kadakuada iti Panglaglagip iti ipapatay ni Jesus. Iti daytoy a tawen, maangay daytoy inton Huebes, Marso 28, kalpasan ti ilelennek ti init. Mabalinyo ti dumar-ay iti Kingdom Hall a kaasitgan iti pagtaenganyo. Pangngaasiyo ta makiumankayo kadagiti Saksi ni Jehova iti lugaryo tapno maammuanyo ti eksakto nga oras ken lugar a pakaangayanna.