Mailadawanmo Kadi iti Panunotmo ti Basbasaem?

TAPNO mailadawanmo iti panunotmo dagiti pasamak, nasken a pamiliarka kadagiti lugar a basbasaem. Kas pagarigan, usigem dagiti dinaliasat ni apostol Pablo kas misionero, a naisalaysay iti libro ti Biblia nga Aramid. Iti umuna a panagdaliasatna kas misionero, nangrugi ni Pablo manipud Antioquia, a damo a nakaawagan dagiti pasurot ni Jesus kas Kristiano. Manipud Antioquia, nagdaliasat ni Pablo a napan kadagiti lugar a kas iti Salamis, Antioquia ti Pisidia, Iconio, Listra, ken Derbe. Mailadawanmo kadi iti panunotmo no sadino dagitoy a lugar?

Nalabit a saan, malaksid no addaanka iti mapa. Iti baro a 36 a panid a broshur a ‘Kitaem ti Nasayaat a Daga,’ nairaman ti kasta a mapa. Kastoy ti inkomento ti maysa nga agbasbasa manipud Montana, E.U.A.: “Nasurotak dagiti panagdaliasat ni Pablo ken nailadawanko iti panunotko ti kita ti dinaliasat ken trabaho nga inaramidna ken dagiti dadduma tapno maisaknapda ti naimbag a damag. Agyamanak iti kasta a nagpintas a katulongan.”

Ti mapa ti panagdaliasat ni Pablo ket maysa laeng kadagiti adu a masarakan iti daytoy a broshur tapno dagiti agbasbasa mailadawanda kadagiti isipda dagiti salaysay ti Biblia. Mabalin nga agkiddawka iti kopia ti ‘Kitaem ti Nasayaat a Daga’ babaen ti panangsuratmo iti naipakuyog a kupon ken ibusonmo dayta iti adres a naipaay wenno iti maitutop nga adres iti panid 2 daytoy a magasin.

□ Kayatko ti maaddaan iti broshur a ‘Kitaem ti Nasayaat a Daga.’

□ Interesadoak iti libre a panagadal iti Biblia.

[Picture Credit Line iti panid 32]

Pictorial Archive (Near Eastern History) Est.