Marso 22, 2008​—Aldaw a Rumbeng a Laglagipen

Iti daydi rabii sakbay ti ipapatayna, impasa ni Jesus ti awan lebadurana a tinapay ken sangakopa nga arak kadagiti apostolna sana imbaga kadakuada a mangan ken uminumda. Kinunana pay kadakuada: “Itultuloyyo nga aramiden daytoy kas panglaglagip kaniak.”​—Lucas 22:19.

Iti daytoy a tawen, maangay inton Sabado, Marso 22, kalpasan ti ilelennek ti init, ti tinawen a pannakarambak daytoy nga okasion. Agtataripnongto dagiti Saksi ni Jehova iti intero a lubong iti dayta a naisangsangayan a rabii tapno rambakanda daytoy a Pananglaglagip iti wagas nga imbilin ni Jesus. Sibabara a maawiskayo a makitaripnong kadakami. Pangngaasiyo ta ammuenyo kadagiti Saksi ni Jehova iti lugaryo ti eksakto nga oras ken lugar a pakaangayan daytoy a taripnong.