Espesial a Palawag Publiko

Asino ti Kualipikado a Mangituray iti Sangatauan?

Asino nga agturay ti makabael a

• mangrisut kadagiti parikut iti ekonomia, mangipanamnama iti nawadwad a taraon ken maitutop a pagtaengan para iti amin a tattao?

• manglapped kadagiti natural a didigra tapno saan nga agsagaba dagiti tattao gapu kadagiti tsunami, bagyo, wenno ginggined?

• mangikkat iti amin a sakit, ken mangisubli kadagiti lallakay ken babbaket iti kinaagtutuboda?

• mamagpatingga iti amin a gubat tapno agbiag a natalna ken natalged ti amin nga iturayanna?

• mangisubli iti naan-anay a kinatimbeng ti ekolohia ti daga, a pagbalinenna ti daga a maysa a paraiso?

Adda laeng maymaysa nga Agturay a makayeg kadagitoy amin a bendision. Asino daytoy nga Agturay? Masungbatan dayta a saludsod iti palawag publiko a napauluan iti “Asino ti Kualipikado a Mangituray iti Sangatauan?” Daytoy a naibatay iti Biblia a palawag ket mangngegan iti intero a lubong iti nasurok a 230 a pagilian. Iti kaaduan a lugar, maipalawag dayta iti Kingdom Hall dagiti Saksi ni Jehova iti lugaryo iti Domingo, Abril 6, 2008. Dagiti kalugaranyo a Saksi maragsakandanto a mangibaga kadakayo iti oras ken adres. Naimpusuan nga awisendakayo a tumabuno.