Ubing Pay Ngem Naparaburen

ITAY nabiit pay, maysa a balasitang a siam ti tawenna a taga-Brazil ti boluntario a nangidonar iti 43 a doliar a naurnongna. Intinnagna ti 18 a doliar iti kahon ti donasion iti Kingdom Hall a pangsupusop kadagiti paggastuan ti kongregasion. Ken impatulodna ti 25 a doliar iti sanga nga opisina dagiti Saksi ni Jehova agraman ti ababa a surat. Kastoy ti linaon ti surat: “Kayatko nga idonar daytoy para iti sangalubongan a trabaho. Kayatko ngamin a matulongan dagiti kakabsat iti intero a lubong a mangikasaba iti naimbag a damag. Itedko daytoy gapu iti dakkel a panagayatko ken Jehova.”

Dagiti nagannak daytoy nga ubing insuroda kenkuana ti kinapateg ti personal a pannakiraman iti trabaho a panangasaba. Intukitda met kenkuana a masapul nga ‘idaydayawna ni Jehova babaen ti napapateg a bambanagna.’ (Prov. 3:9) Kas iti dayta nga ubing, sapay koma ta sireregta a makiramantayo amin iti panangyadelantar kadagiti interes ti Pagarian, iti lugartayo man wenno iti intero a lubong!