Para Kadagiti Agtutubo

Idepensam ti Pudno a Panagdayaw!

Instruksion: Usigem daytoy iti naulimek nga aglawlaw. Bayat a basbasaem dagiti teksto, panunotem a karamanka iti eksena ken mangmangngegmo dagiti timek. Riknaem ti emosion dagiti kangrunaan a karakter. Aramidem a nabiag iti isipmo ti eksena.

Dagiti kangrunaan a karakter: Elias, Acab, ken agarup 450 a mammadto ni Baal

Sumario: Paneknekan ni Elias a natantan-ok ni Jehova ngem ni Baal.

1 USIGEM TI EKSENA.​—BASAEM TI 1 AR-ARI 18:17-40.

Iti sabali a papel, idrowingmo ti ayan ni Elias, dagiti mammadto ni Baal, ken dagiti altar.

Ania dagiti “mangngegmo” nga uni bayat ti makapadanag nga eksena a nadeskribir iti bersikulo 26 agingga iti 29?

․․․․․

Ania ngata ti rikna ni Elias bayat ti pannakisaona kadagiti mammadto ni Baal?

․․․․․

2 SUKIMATEM A NAIMBAG.

Apay a masapul a natured ni Elias a mapan ken Acab ken kalpasanna mangaramid iti pannubok a pakaibabainan dagiti ginasut a mammadto ni Baal? (Pamalatpatan: Basaem ti 1 Ar-ari 18:4, 13, 14.)

․․․․․

Babaen kadagiti material nga adda kenka, ammuem ti maipapan iti panagdayaw ken Baal. Kas pagarigan, ania ti ar-aramidenda iti panagdayawda? Ania ti epekto ti panagdayaw ken Baal kadagiti Israelita?

․․․․․

Ania ti pagarupem a panggep ni Elias iti panangkanalna iti aglikmut ti altar ni Jehova ken kalpasanna pinunnona dayta iti danum?

․․․․․

3 IYAPLIKARMO TI NAADALMO. ISURATMO NO ANIA TI NAADALMO MAIPAPAN ITI . . .

Tured a kasapulan tapno maidepensa ti pudno a panagdayaw.

․․․․․

Dagiti gunggona iti panangipakita iti kasta a tured.

․․․․․

DADDUMA PAY NGA APLIKASION.

Kadagiti ania a kasasaad a maipakitam ti ad-adda pay a tured iti panangidepensam iti pudno a panagdayaw?

․․․․․

4 ANIA A PASET DAYTOY A SALAYSAY TI KANGRUNAAN A NANGTUKAY ITI RIKNAM, KEN APAY?

․․․․․

No awan ti Bibliam, agkiddawka kadagiti Saksi ni Jehova, wenno basaem iti www.watchtower.org

[Kahon iti panid 31]

Impormasion Para iti Kombension Distrito

Manipud iti daytoy a tawen, dagiti petsa ken pakaangayan ti tinawen a kombension distrito ket saanen nga agparang iti Ingles nga edision Ti Pagwanawanan. Makita dayta nga impormasion iti Web site a jw.org.