Salaknibam ti Bagim Kadagiti Dakes nga Espiritu!

Instruksion: Usigem daytoy iti naulimek nga aglawlaw. Bayat a basbasaem dagiti teksto, panunotem a karamanka iti eksena ken mangmangngegmo dagiti timek. Riknaem ti emosion dagiti kangrunaan a karakter. Biagem ti eksena iti isipmo.

1 USIGEM TI EKSENA.​—BASAEM TI GENESIS 6:1-6 KEN ARAMID 19:11-20.

Iladawam ti mapampanunotmo a langa dagiti Nefilim?

․․․․․

Ania ngata ti reaksion dagiti lallaki idi naipasangoda iti dakes nga espiritu, kas nadeskribir iti Aramid 19:13-16?

․․․․․

2 SUKIMATEM A NAIMBAG.

Agsukimatka kadagiti reperensia nga adda kenka ket ammuem ti ad-adu pay maipapan kadagiti Nefilim. Panagkunam, apay a naranggasda unay?

․․․․․

Apay a maikuna a dagiti dakes nga espiritu ‘pinanawanda ti umiso a lugar a pagnaedanda’? (Basaem ti Judas 6.) Apay ngata a di nainkasigudan ken di umiso a mangalada iti tattao kas assawa?

․․․․․

Sigun iti dua a salaysay a nabasam, ania ti naammuam a dakes a tarigagay dagiti dakes nga espiritu mainaig iti sekso ken kinaranggas?

․․․․․

3 IYAPLIKARMO TI NAADALMO. ISURATMO NO ANIA TI NAADALMO MAIPAPAN ITI . . .

Kinaranggas ken kinamanagimbubukodan dagiti dakes nga espiritu.

․․․․․

DADDUMA PAY NGA APLIKASION.

Yantangay saanen a makapaglasag dagiti dakes nga espiritu, ania dagiti saan a direkta a pamay-an a mabalin nga impluensiaandaka?

․․․․․

Aniada a kita ti paglinglingayan ti mangipakita iti kababalin ken paginteresan dagiti dakes nga espiritu?

․․․․․

Kasano a maipakitam a determinadoka a mangsaranget iti impluensia dagiti dakes nga espiritu? (Basaem manen ti Aramid 19:18, 19.)

․․․․․

4 ANIADA A PASET DAGITOY A SALAYSAY TI KANGRUNAAN A NANGTUKAY ITI RIKNAM, KEN APAY?

․․․․․

No awan ti Bibliam, agkiddawka kadagiti Saksi ni Jehova, wenno basaem iti www.watchtower.org