Dagiti Linaonna

Insuro ni Jesus a ‘sapulentayo nga umuna ti pagarian,’ saan a dagiti material a bambanag. Kasano a maliklikantayo ti materialismo ken mapasimple ti biagtayo tapno mayun-unatayo dagiti napatpateg a naespirituan a bambanag? Usigentayo dagiti makaparegta a sasao ni Jesus iti Sermonna iti Bantay a mabasa iti Mateo 6:25-34.

Kas Kristiano, masapul nga ipapusotayo ti balakad ni Jesus nga ‘agtultuloytayo nga agbantay’ kadagitoy maudi nga al-aldaw. (Mat. 24:42) Tapno maaramidtayo dayta, masapul nga agannadtayo kadagiti dakes nga impluensia a mabalin a makagapu a saantayo a masiputan ti iyaay ni Jesus. Ilawlawag daytoy nga artikulo no kasano a saantayo a masinga iti panagbantaytayo.

Mausig kadagitoy nga artikulo dagiti pamay-an a magunggonaantayo iti di kaikarian a kinamanangngaasi ni Jehova. Mailawlawag met no kasano a ti panagyamantayo kadagitoy nga ebkas ti ayat matignaytayo a mangipakaammo iti sabsabali a magunggonaanda met iti di kaikarian a kinamanangngaasi ni Jehova.