Miting Dagiti Panglakayen Kadagiti Payunir
1 Bayat daytoy a bulan maysa wenno dua a panglakayen ti makimiting kadagiti amin a regular ken espesial payunir tapno pagsasaritaanda iti trabahoda kas amin a tiempo nga ad-adipen. Mabalin nga agpaut daytoy a miting iti agarup a maysa nga oras a surotenda dagiti naiwayat a singasing nga impaay ti Sosiedad.
2 Iti daytoy a miting nasayaat no dagiti panglakayen ket usigenda iti trabaho dagiti regular payunir iti tay-ak. Agparang nga adu dagiti nagpalia a nangsabet iti 1,000-oras a reglamento idi napan a tawen ket idi a nasuratan dagiti panglakayen maipapan iti daytoy, nairekomendada nga adu dagiti payunir ti agtalinaed iti listaan ngem ikagumaandan a ragpaten iti kasapulanda nga oras iti daytoy a tawen ti serbisio. Ita ta uppaten a bulan ti napalabas iti 1990 a tawen ti serbisio, amin dagiti payunir ti masapul a nakaragpaten iti agarup a maysa a kakatlo iti tinawen nga orasda wenno agarup a 334 nga oras. No adda dagiti nagkurang iti daytoy, masapul a tulonganda ida iti daytoy a miting no kasanoda a masulnitan dagiti pukawda a tiempo bayat iti walo pay a natda a bulan iti daytoy a tawen ti serbisio.
3 Masiguradomi a daytoy a miting ket tulonganna dagiti amin a payunir a mas manangipateg iti pribilehio ken responsabilidadda, iti kasta makaiparangda iti naimbag a paguadan kadagiti amin iti kongregasion.