Dagiti Pakaammo

● Literatura a tukon iti Mayo: Makatawen a suskripsion iti Ti Pagwanawanan iti ₱70.00. Hunio: Ti baro a libro, Ti Panangbiruk ti Sangatauan iti Dios iti ₱24.00. Hulio ken Agosto: Uray ania kadagiti broshur iti ₱4.80.

● Mangipatulodkami a kakuyog ti statement iti kuentayo ti Abril iti “Special Order Blank for Forms.” Pangaasiyo ta usisaenyo dagiti abastoyo iti porma ket ipatulodyo ti pedidoyo iti kabiitan a tiempo a mabalin. Amin dagiti pedido ti masapul a maawat ditoy sanga nga opisina iti Agosto 31, 1991. Ti gatad dagitoy a porma isut’ masingir iti kuentayo ti literatura. Siguruenyo ti mangipatulod iti remittance manipud iti kuarta ti kongregasion tapno masulnitan iti gastos dagitoy a porma inton agparang iti masingir idiay binulan nga statement. Importante: Siguraduenyo nga iraman iti pedidoyo kadagiti lapel card ti kombension iti distrito idiay porma tapno dagitoy ti maipatulod kadakayo apaman a maimalditda.

● Dagiti kuenta ti kongregasion ti masapul a mausisada iti Hunio 1 wenno saan a mabayag iti kalpasan daytoy no mabalin babaen iti mangidaulo a manangaywan wenno daydiay dutokanna.

● Mangrugi iti lawas ti Hunio 10-16 dagiti amin a kongregasion iti Cebuano, Hiligaynon, Iloko ken Tagalog ti mangadal iti broshur a Kasano nga Ispalen ti Dara ti Biagyo? kadagiti panagadal ti libro iti kongregasion. Ti broshur isut’ agsasaruno a maipablaak manipud iti Mayo 8 nga Awake! iti Hiligaynon. Dagiti saludsod isudat’ maipaay a kas insert iti daytoy a Ti Ministeriotayo iti Pagarian. Kalpasan daytoy, a mangrugi iti lawas ti Hulio 15-21, ti Apocalipsis a libro isut’ maadal manen kadagitoy uppat a pagsasao ditoy ngato.