Saludsod

◼ Ania ti maaramid tapno masiguro a ti aktibidadtayo iti Disiembre ket saan a bumaba agpapan pay maaramid dagiti kombension ti distrito?

Umuna, irekomendami a naimbag no sapaen dagiti amin ti mangrugi iti daytoy a bulan. Ti Disiembre 1 ket Domingo, ken adda lima a Domingo iti daytoy a bulan, gapuna uray tumabunotayo iti maysa kadagiti kombension ti distrito iti maysa a ngudo ti lawas, kaskasdi nga adda pay laeng uppat a Domingo a maipaay iti panangasaba a trabaho. Adu pay ti mabalin a makapagserbi nga auxiliary payunir, nga ikagumaanda a ragpaten iti 60-oras a kalat sakbay ti kombension.

Maikadua, no agbiahekayo a mapan iti kombension, isapulyo ti gundaway a mangasaba iti impormal. Ti panangikapet iti lapel card bayat ti panagbiahe isut’ masansan a mangiturong iti saritaan. Siguruenyo nga addaankayo ti magasina, broshur, wenno tract nga itukon kadagiti tattao a masabetyo. Idiay siodad ti kombension, mabalin a makakasabakayo ti impormal kadagiti tattao a pagdagusan wenno masabatyo iti lansangan.

Maudi, dikay liplipatan nga ireport iti nagapuananyo. No ti kombensionyo ket maaramid iti ngudo ti Disiembre wenno iti Enero, wenno no awankayo dita kongregasionyo iti Disiembre 31, ngarud nasaysayaaten no itedyon ti reportyo iti kongregasion sakbay a pumanawkayo a mapan makikombension.

Siguruentayo ita a tawen a makiramantayo amin a naan-anay iti ministerio bayat ti Disiembre ket dagiti reporttayo isudat’ mairaman iti ngudo ti bulan. Ti panangaramid iti dayta agresulta ti nawadwad a rag-o ken nabaknang a bendision ni Jehova.