Dagiti Pakaammo
◼ Literatura a tukon iti Agosto ken Setiembre: Uray ania kadagiti broshur. (Ti kontribusion isut’ ₱4.80 iti Agosto, ngem ₱6.00 mangrugi iti Setiembre 1.) Oktubre: Makatawen a suskripsion ti Agriingkayo! iti ₱80.00. Nobiembre: Panangbiruk ti Sangatauan iti Dios iti ₱30.00.
◼ Maigapu iti ingangato ti gastos iti panagpartuat ti publikasion, ti gatad dagiti literatura ken magasina isut’ ngumato manipud iti Setiembre 1, 1992. Uppat a kopia iti baro a Watch Tower Publications List a mangipakita kadagiti baro a gatad isudat’ maipatulod iti kada kongregasion babaen ti naisina a pakete. Maysa a kopia ti maited iti tunggal adipen ti literatura, adipen iti magasina, adipen ti kuenta, ken maysa a kopia iti agbati idiay salansan ti kongregasion. Pangaasiyo ta dadaelenyo amin dagiti daan a Cost Lists tapno maliklikan ti pannakatikaw.
◼ Umawat ti kada kongregasion iti dua a Literature Inventory forms (S-18) a kakuyog iti statement ti kuentada nga agpaay iti Hunio. Pangaasiyo ta aramidenyo iti aktual a panangbilang iti amin a literatura idiay stock ken suratanyo a kompleto dagiti porma, a maisubli ti orihinal iti Sosiedad a saan a naladladaw ngem Setiembre 6. Idulinyo ti duplikado iti salansanyo. Importante: Madlawyo a ti presio iti Literature Inventory forms ket isut’ agdama a gatad, saan a ti baro. Pangaasiyo ta usarenyo dagitoy a gatad no dagupenyo iti balor dagiti literatura iti stock ken dikay sukatan dagitoy iti baro a gatad ti literatura. Inton maawat dagitoy a porma ditoy sanga nga opisina, ti Sosiedad isut’ mangsingir iti kongregasion ti nagdumaan a gatad a maipaay iti literatura idiay stock agingga ti Agosto 31, 1992.
◼ Ti sekretario ken manangaywan iti serbisio ti masapul a mangsurat iti Congregation Analysis Report (S-10) ken ipatulodda iti Sosiedad apaman a makompleto dagiti report ti Agosto. Nota: Siguruenyo a suratan iti likud a paset daytoy a porma a nagkiddaw ti impormasion maipapan dagiti regular payunir ken dagiti total ti orasda iti tawen ti serbisio. Idulinyo ti duplikado iti salansanyo.
◼ Dagiti kuenta ti kongregasion ti masapul a mausisa iti Setiembre 1 wenno saan a mabayag kalpasanna no mabalin babaen iti mangidaulo a manangaywan wenno siasinoman a dutokanna.
◼ Dagidiay nakaplano a mangrugi iti regular payunir a serbisio manipud ti Setiembre 1 masapulen a suratanda a dagus dagiti aplikasion ken iyawatda kadagiti panglakayen tapno repasuenda. Kalpasan a maanamongan ken mapirmaan dagiti aplikasion babaen iti Komite ti Serbisio iti Kongregasion, masapul a maikoreo iti Sosiedad a nasapa iti Agosto tapno ti anamong ket maawat iti Setiembre 1.