Dagiti Pakaammo

◼ Literatura a maitukon iti Oktubre: Makatawen a suskripsion iti Agriingkayo! wenno Ti Pagwanawanan iti ₱80.00. Nobiembre: Panangbiruk ti Sangatauan iti Dios iti ₱30.00. Disiembre: New World Translation agraman ti libro a Ti Biblia​—Saot’ Dios wenno iti Tao? iti ₱100.00. Enero: Ti Katan-okan a Tao a Nagbiag Pay Laeng iti ₱60.00. NOTA: Dagiti kongregasion a saan pay a nagkiddaw kadagiti nasao ditoy ngato a maikampania a pagbasaan ti masapul a mangaramid iti dayta babaen ti sumaruno a binulan a Literature Request Form (S-14).

◼ Dagiti agibumbunannag a nakaplano nga ag-auxiliary payunir iti Nobiembre ti masapul a mangiyawat iti aplikasionda a nasapa. Mangipalubos daytoy kadagiti panglakayen a mangurnos iti literatura ken teritoria.

◼ Iti pinanid 104-4 ti Organisado a Mangitungpal iti Ministeriotayo, nangted ti panangiwanwan no ania nga oras iti mairaman a maireport a maipaay iti tay-ak ti serbisio. Nagsaludsod dagiti dadduma no ti agibumbunannag a mangipatarus iti maysa nga ispiker a maipaay ti palawag iti publiko ket mabalinna nga ibilang ti orasna. Wen, agpadpada ti ispiker ken nangipatarus a mangiraman iti oras a nausarda idiay reportda iti tay-ak ti serbisio.

◼ Idinto ta adu a tattao ti maseknan maipapan kadagiti pimmusay nga ingongotenda iti Oktubre 31 ken Nobiembre 1, nasayaat unay no usaren iti tract nga Aniat’ Namnama Kadagiti Ing-ingongoten a Natayen?, ken kasta met iti broshur nga Espiritu Dagiti Natay no agtrabahokayo kadagiti balaybalay wenno sementerio kadagitoy nga aldaw.