Dagiti Pakaammo
◼ Literatura a tukon iti Disiembre: New World Translation of the Holy Scriptures agraman libro a Ti Biblia—Saot’ Dios wenno iti Tao? iti ₱100.00. Enero: Ti Katan-okan a Tao a Nagbiag Pay Laeng iti ₱60.00. Pebrero: Mabalinyo ti Agbiag nga Agnanayon iti Paraiso a Daga, dakkel nga edision iti ₱60.00, bassit nga edision iti ₱30.00. Marso: Apocalipsis—Ti Grande a Tampokna Asidegen! iti ₱60.00. NOTA: Dagiti kongregasion a saan pay a nagkiddaw kadagiti nasao ditoy ngato a maikampania a pagbasaan ti masapul nga mangaramiden iti sumaruno a binulan a Literature Request Form (S-14).
◼ Nasken unay kadagiti agibumbunannag ken pamilia nga urnosenda ti makiraman iti tay-ak ti serbisio a nasapa iti Disiembre. No gapu iti itatabuno ti kombension wenno kaadda iti bakasion manipud kongregasion iti ngudo ti Disiembre, siguruenyo nga ited iti sekretario dagiti reportyo sakbay a pumanawkayo. Babaen ti kinaridam dagiti amin nga agreport a nasapa, amin nga agibumbunannag ti mairamanto iti report ti Disiembre. Idi napan a Disiembre, gapu ta nakitunos a naimbag dagiti amin saan a bimmaba iti reporttayo. Amintayo koma ket “matalek iti babassit a bambanag” bayat daytoy a Disiembre.—Luc. 16:10.
◼ Idinto ta ti kombension ita a tawen ket tallo nga aldaw laeng, saan a kasapulan a makanselar iti Panagadal ti Libro iti Kongregasion bayat ti lawas iti kombension.
◼ Magunggonaan a naan-anay dagiti amin manipud iti drama inton “Dagiti Manangawit iti Lawag” a Kombension ti Distrito babaen iti panangbasa ti naipaltiing a salaysay a nairekord iti 2 Ar-ari 22:1–23:23 ken 2 Cronicas 34:1–35:19 sakbay ti itatabuno iti kombension.
◼ Ti Disiembre 25, 30, ken Enero 1 ket nanginada nga aldaw, gapuna a dagiti kongregasion a saan a tumabuno iti kombension ti mangiyiskediol iti espesial a panagmagasina kadagitoy nga aldaw.
◼ Ti 1993 a teksto iti tawen isut’ naadaw manipud ti Salmo 86:11: “Isuronak, O Jehova . . . Pagkaysaem ti pusok nga agbuteng iti naganmo.” Iyurnos koma dagiti amin a kongregasion a maiplastar daytoy a teksto iti tawen idiay Kingdom Hallda inton Enero 1, 1993.