Teokratiko a Damdamag

Nagpaiduma nga aktibidad iti panagadal ti Biblia iti naireport idi Nobiembre manipud kadagiti sumaruno a pagilian a ti trabaho ket baro laeng a nagun-odan iti pannakabigbigna:

Albania: Ti dagup a 99 nga agibumbunannag ket nakaidaulo iti 210 a panagadal ti Biblia.

Baltic States: Dagitoy a pagilian ti nagreport iti dagup a 2,199 nga agibumbunannag ken 4,632 a panagadal ti Biblia.

Bulgaria: Dagiti 296 nga agibumbunannagda ti nagreport iti 657 a panagadal ti Biblia.

Sumagmamano a makaparegta a report ti naggapu sadi Africa:

Central African Republic: Maysa a baro a peak a 1,600 nga agibumbunannag ti naragpatda idi Oktubre, ken nagreportda iti 2,966 a panagadal ti Biblia.

Chad: Babaen dagiti 345 nga agibumbunannag idi Oktubre, ti timmabuno kadagiti innem nga espesial nga aldaw ti asamblea a programa isut’ 654.

Rwanda: Idi Nobiembre dagiti 1,762 nga agibumbunannag a nagreport ket nakaikonduktada iti 6,270 a panagadal ti Biblia iti pagtaengan.