Dagiti Pakaammo
◼ Literatura a tukon iti Disiembre: New World Translation a Biblia agraman Ti Biblia—Saot’ Dios wenno iti Tao? iti ₱100.00. Enero: CEBUANO, ILOKO, PANGASINAN, ken TAGALOG: Ti Katan-okan a Tao a Nagbiag Pay Laeng iti ₱60.00. BICOL: The Truth That Leads to Eternal Life iti ₱4.00. INTSIK: Your Youth—Getting the Best Out of It; Good News to Make You Happy; wenno Survival Into a New Earth iti ₱4.00. HILIGAYNON ken SAMAR-LEYTE: Good News to Make You Happy iti ₱4.00. Pebrero: Mabalinyo ti Agbiag nga Agnanayon iti Paraiso a Daga, dakkel nga edision iti ₱60.00, bassit nga edision iti ₱30.00. Marso: Apocalipsis—Ti Grande a Tampokna Asidegen! iti ₱60.00. NOTA: Dagiti kongregasion a saan pay a nagpedido kadagiti nasao ditoy ngato a maikampania a pagbassan ti masapul a mangaramiden iti sumaruno a binulan a Literature Request Form (S-14).
◼ Inton Enero, kas naipakita ditoy ngato, addanto nagpaiduma a regta a mangiruar kadagiti daan a libro iti napalaka a presio kadagiti pagsasao. Pangaasiyo ta siputanyo a dagiti laeng publikasion a nailista ditoy ngato ti maitukon iti napalaka a gatad a ₱4.00. Makaala dagiti payunir kadagiti kopia a ₱1.00 iti maysa. Agkiddaw dagiti kongregasion ti kredito nga agpaay iti payunir ken agibumbunannag no maipatulod ti Remittance and Credit Request form (S-20) iti ngudo ti Enero.
◼ Iti Bicol, addaantayo ti nawadwad nga abasto iti “Look!” a broshur. Maisingasingmi nga amin nga agibumbunannag iti daytoy a rehion ti mangawit kadagiti kopia daytoy iti Bicol no makiramanda ti serbisio iti Enero. Idinto ta ti kontribusionna ket ₱6.00, no maitukon daytoy a kadua ti Truth a libro iti ₱10.00, daytoy ket mabalin a makaatrakar a tukon.
◼ Kadagiti kongregasion a kombeniente pay a mangaramid iti dayta ti maaddaan iti panagadal ti libro iti kongregasion bayat ti lawas iti kombension. Nupay kasta, kadagiti saanen a nawaya, mabalinda a pagadalan ti kagudua iti napalabas ken ti sabali a kaguduana iti sumaruno a lawas, tapno makamakamda ti naited nga iskediol.
◼ Dagidiay saan nga agkombension iti Disiembre 30 ti mangurnos iti espesial a panagmagasina, idinto ta masansan a nangina nga aldaw daytoy.
◼ Ti teksto iti tawen ti 1994 isut’ naala manipud Proverbio 3:5: “Agtalekka ken ni Jehova iti amin a pusom.” Iyurnos dagiti amin a kongregasion a maiplastardan daytoy a baro a teksto idiay Kingdom Hallda iti Enero 1, 1994.
◼ Nasken iti amin nga agibumbunannag ti masinunuo nga urnos a makiraman iti tay-ak ti serbisio a nasapa iti Disiembre. No, gapu iti itatabuno ti kombension wenno kaadda iti bakasion ket adayokayo ti kongregasion iti ngudo ti Disiembre, siguruenyo nga ited iti sekretario ti reportyo sakbay iti ipapanawyo. Babaen iti kinaridamtayo amin a mangted ti report iti nasapa a tiempo, amin dagiti agibumbunannag ti maibilang iti report ti Disiembre.
◼ Dagiti baro a publikasion a nairuar iti international a kombension ti Manila iti Nobiembre 4-7, 1993 ti saan a maala iti sanga ti opisina ken saan a pediduen iti kongregasion agingga a malpas dagiti probinsial a kombension, a daytoy ket inton Enero 3, 1994.
◼ Adda sabali a nairuar a computer diskette a maala ken mapedido: New World Translation of the Holy Scriptures—With References/Insight on the Scriptures. Daytoy a nairuar ti naglaon iti New World Translation ken ti dua a tomo iti Insight. Maala laeng daytoy iti Ingles a 5 1/4ʺ 1.2-megabyte wenno 3 1/2ʺ 1.44-megabyte diskettes. Ti computer nga addaan ti hard disk iti minimum a 18 megabytes a libre nga espasio ti kasapulan. Gatad iti agibumbunannag: ₱450.00; gatad iti payunir: ₱375.00.