Ministerial Training School
1 Idiay 1993 Yearbook, pinanid 26 ken 27, naipadamag nga adda urnos a maar-aramid a mangidanon iti pagimbagan ti Ministerial Training School iti dadduma a pagilian. Maragsakankami a mangiyanunsio ita a dagitoy a magunggona iti mangrugin a magun-odan ditoy Pilipinas bayat ti bulan iti Enero.
2 Iti Enero 6, adda 24 nga estudiante ti umuna a klase ditoy Pilipinas iti sumangpet nga agpalista, ket ti pagadalan a mismo iti mangrugi inton Lunes, Enero 10. Ti panagadal isut’ maaramid ditoy Bethel ket agpaut daytoy iti walo a lawas agingga ti Marso 5, 1994.
3 Siasinoman a saan a kasado a panglakayen ken ministerial nga adipen nga interesado a tumabuno iti pagadalan ti mabalin a makimiting kadagiti manangaywan iti sirkito ken distrito inton asamblea ti sirkito. Masapul a kakabsatda a lallaki nga awanan ti napamiliaan ken pinansial nga obligasion ken kabaelanda iti bumasa ken agsao ti Ingles iti nalawag. Adu pay a pakaammo iti panggep daytoy a pagadalan ken dagiti reglamento a masapul a masabet tapno maikari ti maysa nga agpalista iti maited inton asamblea ti sirkito.
4 Manipud pannakaisibbo iti Ministerial Training School idiay Estados Unidos idi 1987, ti Yearbook ket naglaon iti report maipapan ti progreso iti pagadalan ket naipakita no kasano a dagiti graduado ket nakabalanda a nasaysayaat a mangtaripato ti naited a parebbengan ken pagserbian. Adu dagiti nagsubli iti bukodda a kongregasion, a sadiay mabalinda nga iyaplikar dagiti naadalda ken tumulong kadagiti dadduma nga agprogreso a mangtaming ti rebbengenda. Adda sumagmamano a makiddaw a tumulong iti sabsabali a kongregasion a sadiay kasapulan ti dakkel a tulong.
5 Maysa a masinunuo a pribilehio iti Pilipinas ti mangimaton iti kastoy a pagadalan ket riknaenmi a sigurado a makaited ti nawadwad a maipaay iti masanguanan a panagrang-ay ken espiritualidad daytoy a pagilian.