Dagiti Pakaammo

◼ Literatura a tukon iti Mayo: Makatawen a suskripsion Ti Pagwanawanan iti ₱80.00. Hunio: Life​—How Did It Get Here? By Evolution or by Creation?, dakkel nga edision iti ₱60.00, bassit nga edision iti ₱30.00. (Kadagidiay di makasao ti Ingles, mabalin a maitukon a kas talali daytoy Ti Biblia​—Saot’ Dios wenno iti Tao? iti ₱20.00.) Hulio ken Agosto: Aniaman kadagiti broshur iti ₱6.00. NOTA: Dagiti kongregasion a saan pay a nagpedido kadagiti nasao ditoy ngato a maikampania a pagbasaan ti masapul a mangaramiden iti sumaruno a binulan a Literature Request Form (S-14).

◼ Mangipatulodkami a kadua ti Abril nga statement ti kuenta iti “Special Order Blank for Forms.” Pangaasiyo ta usisaenyo dagiti abastoyo a porma ket mangipatulodkayo ti pedidoyo iti saan a mabayag. Amin a pedido ti maawat koma ditoy sanga nga opisina iti Agosto 31, 1994. Ti bayad dagitoy a porma ti maisingir manipud iti kuentayo ti literatura. Siguruenyo ti mangipatulod iti remittance manipud kuarta ti kongregasion a mangsulnit iti gastos dagitoy a porma inton agparang ti masingir manipud iti binulan nga statement. Nasken: Siguruenyo nga iraman idiay porma ti pedidoyo dagiti lapel card iti kumbension ti distrito tapno maipatulod dagitoy apaman a maimalditda.

◼ Palagip: Iti daydi suratmi kadagiti amin a kongregasion nga Agosto 1, 1992, naited ti pakdaar maipapan kadagidiay mapmapan idiay Middle East a kas kontrata a trabahador a kanayon nga usisaenda a naannad dagiti kontratada sakbay nga agpirmada. Nabatad a problema pay laeng daytoy, idinto ta nakaawatkami iti notisia a dadduma a kakabsat ti naipaayan iti trabaho ti militaria apaman a nakadanonda iti pagilian, a daytoy ti mangdadael iti neutralidad ken mairamanda iti adu a problema. Masapul a repasuen dagiti panglakayen ti suratmi nga Agosto 1, 1992 ken pakdaaranda iti siasinoman iti kongregasion maipapan daytoy a peggad ken kiddawen kadakuada nga usisaenda dagiti kontrata a naannad sakbay nga agpirmada.