Dagiti Pakaammo

◼ Literatura a tukon iti Setiembre: Mabalinyo ti Agbiag nga Agnanayon iti Paraiso a Daga, dakkel nga edision iti ₱60.00, bassit nga edision iti ₱30.00. Oktubre: Makatawen a suskripsion ti Agriingkayo! iti ₱80.00. Nobiembre: New World Translation iti Ingles wenno Ti Nasantuan a Kasuratan a kadua Ti Biblia​—Saot’ Dios Wenno iti Tao? iti ₱100.00. Disiembre: Ti Katan-okan a Tao a Nagbiag Pay Laeng iti ₱60.00. PALAGIP: Masapul a mangipatulod iti sumaruno a bulan iti Literature Order Form (S-AB-14) dagiti kongregasion a saan pay a nagpedido kadagiti nasao-iti-ngato a maikampania a pagbasaan.

◼ Ipalawagto dagiti Manangaywan ti Sirkito ti palawag publiko a napauluan “Panagas-asug ti Natauan a Parsua​—Kaanonto nga Agpatingga?” no bisitaenda dagiti kongregasion a mangrugi inton Oktubre.

◼ Masapul nga i-audit ti manangidaulo a manangaywan wenno ti tinudinganna ti kuenta ti kongregasion inton Setiembre 1 wenno iti kasapaan a panawen kalpasanna. Ipakaammo iti kongregasion no nalpasen daytoy.

◼ Maitunos iti naibaga iti Pagwanawanan nga Abril 15, 1991, panid 23, parapo 13, a yurnos dagiti panglakayen a tamingen iti nasapa a paset ti baro a tawen serbisio ti pannakasarungkar dagiti nailaksid wenno naisinan (disassociated) a tattao a nalabit kayatdan ti agsubli.

◼ Nangrugi iti ruarna a Hulio 8, 1994, ti Insik a magasin nga Agriingkayo! nagbalinen a mamindua ti makabulan ken naigiddanen iti Ingles.