Dagiti Pakaammo

◼ Literatura a tukon iti Disiembre: Ti Katan-okan a Tao a Nagbiag Pay Laeng iti ₱60.00. Enero: Ti Panangbiruk ti Sangatauan iti Dios iti ₱30.00 wenno True Peace and Security iti ₱20.00. Pebrero: Mabalinyo ti Agbiag nga Agnanayon iti Paraiso a Daga, dakkel nga edision iti ₱60.00, bassit nga edision iti ₱30.00. Marso: Apocalipsis​—Ti Grande a Tampokna Asidegen! iti ₱60.00. PALAGIP: Masapul a mangipatuloden iti binulan a Literature Order Form (S-AB-14) dagiti kongregasion a saan pay a nagpedido kadagiti nasao iti ngato a maikampania a pagbasaan.

◼ I-audit ti mangidaulo a manangaywan wenno asinoman a tinudinganna ti kuenta ti kongregasion inton Disiembre 1 wenno iti kalpasanna unay no mabalin. Yanunsio iti kongregasion apaman a maaramid daytoy.

◼ Nasken a yurnos ti amin nga agibumbunannag a makiramanda a nasakbay iti panagserbi iti tay-ak ti Disiembre. No, gapu iti itatabuno iti kombension wenno kaaddayo iti bakasion, awankayto iti kongregasionyo inton agtapus ti Disiembre, siguraduenyo nga ited ti reportyo iti sekretario sakbay a pumanawkayo. No sipapanunot ti amin a mangited ti reportda iti umiso a tiempo, maibilangto amin dagiti agibumbunannag iti report ti Disiembre.

◼ Dagidiay awan kombensionna inton Disiembre 30 mabalinda ti mangyurnos iti espesial a panagmagasin, tangay masansan a maideklara daytoy a piesta opisial.

◼ Tangay tallo nga aldawto laeng ti kombension distrito iti daytoy a tawen, saan a masapul a libtawan ti Panagadal iti Libro ti Kongregasion iti lawas ti kombension.

◼ Ti makatawen a teksto para iti 1995 ket naadaw manipud iti Colosas 2:2: ‘Situtunos a mapagsisinggalutkayo iti ayat.’ Yurnos koma amin dagiti kongregasion a maikabil daytoy baro a teksto iti Kingdom Hall-da inton Enero 1, 1995.