Dagiti Pakaammo
◼ Literatura a tukon iti Marso: Apocalipsis—Ti Grande a Tampokna Asidegen! iti ₱60.00. Abril ken Mayo: Makatawen a suskripsion Ti Pagwanawanan iti ₱80.00. Hunio: Life—How Did It Get Here? By Evolution or by Creation?, dakkel nga edision iti ₱60.00, bassit nga edision iti ₱30.00. (Kadagidiay saan a makasao ti Ingles, mabalin a Ti Biblia—Saot’ Dios wenno iti Tao? ti maitukon a kas kasukat iti ₱20.00.) NOTA: Dagiti kongregasion a saan pay a nagpedido kadagiti nadakamat iti ngato a maikampania a literatura ti masapul a mangaramiden iti daytoy iti sumaruno a binulan a Literature Order Form (S-AB-14).
◼ Manipud Abril, ited dagiti manangaywan ti sirkito ti palawag publiko a napauluan iti “Apay nga Agkamangkayo ken Jehova” no agbisitada kadagiti kongregasion.
◼ Ti mangidaulo a manangaywan wenno asinoman a dutokanna ti mangusisa iti kuenta ti kongregasion iti Marso 1 wenno saan a mabayag kalpasanna. Maaramid ti anunsio iti kongregasion no nalpasen daytoy.
◼ Dagidiay agpalplano nga ag-auxiliary payunir iti Abril ken Mayo ti mangisumite a nasapa kadagiti aplikasionda iti komite ti serbisio. Tumulong daytoy kadagiti panglakayen a mangammo no mano ti ag-auxiliary payunir bayat dagiti espesial a bulan tapno mayurnosda ti umdas a teritoria ken abasto a literatura.
◼ Sabali manen a ruar iti computer diskette ti maala: GetVerse. Daytoy baro a programa ti mangipalubos iti agus-usar a mangiserrek kadagiti teksto ti Biblia a diretso iti kaaduan a DOS word processors. Makatulong daytoy iti panagsagana kadagiti palawag wenno panangilista kadagiti kasuratan. Ti GetVerse maala laeng iti Ingles iti 5 1/4” 360-kilobyte wenno 3 1/2” 720-kilobyte diskette. Tapno mausar daytoy a programa, masapul nga addan kadakayo ti kopia ti New World Translation of the Holy Scriptures—With References wenno ti New World Translation of the Holy Scriptures—With References/lnsight on the Scriptures a naisimpan ken maus-usaren iti bukodyo a computer.
◼ Adda pay laeng umdas nga abastotayo a tomo ti Watchtower ken Awake! a 1993 iti Ingles iti sanga nga opisina. Paregtaenmi ti tunggal maysa ken dagiti kongregasion nga agpedidoda kadagitoy tapno usarenda iti teokratiko a librariada. Addada met abastotayo iti amin a tomo manipud 1960 aginggat’ 1992 a mapedido tapno makompleto dagiti libraria.
◼ Kayatmi nga ipalagip kadagiti amin nga addaantayo iti stock nga album iti 8 a cassette ti libro a The Greatest Man Who Ever Lived iti Ingles. Kas iti album ti Bible Stories, daytoy ti pagragsakan nga agpadpada dagiti agtutubo ken nataengan ken tumulong iti amin a mangkabisado iti biag ni Jesus idi adda ditoy daga. Ti kontribusion daytoy isut’ ₱300.00 iti publiko ken agibumbunannag ken ₱230.00 iti payunir.