Dagiti Pakaammo

◼ Literatura a tukon iti Disiembre: Ti Katan-okan a Tao a Nagbiag Pay Laeng iti ₱60.00. Enero: Ti Panangbiruk ti Sangatauan iti Dios iti ₱30.00 wenno Pudno a Talna ken Talged iti ₱20.00. Pebrero: Apocalipsis​—Ti Grande a Tampokna Asidegen! iti ₱60.00. Marso: Baro a publikasion a mairuarto iti kombension distrito. PALAGIP: Dagiti kongregasion a saan pay a nagpedido kadagiti nadakamat iti ngato a maikampania a literatura ket masapul nga iramandan iti sumaruno a binulan a Literature Order Form (S-AB-14).

◼ Usisaen koma ti mangidaulo a manangaywan wenno babaen iti dinutokanna ti kuenta ti kongregasion iti Disiembre 1 wenno di agbayag kalpasanna. Mayanunsio iti kongregasion apaman a malpas daytoy.

◼ Nasken nga adda masnup nga urnos dagiti amin nga agibumbunannag a masapa a pannakiraman iti tay-ak ti serbisio iti Disiembre. No, gapu iti itatabuno ti kombension wenno agbakasionkayo, ket awankayo iti kongregasionyo iti ngudo ti Disiembre, siguraduenyo nga ited iti sekretario ti reportyo sakbay a pumanawkayo. No silalagip ti amin a mangited kadagiti reportda iti umiso a tiempo, addanto kompleto a reporttayo iti Disiembre.

◼ Idinto ta ti kombension distrito iti daytoy a tawen ket tallo nga aldaw, saan a kasapulan a kanselaren ti Panagadal ti Libro iti Kongregasion bayat iti lawas ti kombension.

◼ Dagiti Kontribusion iti Kombension Distrito: Agsipud ta awanton ti maiserbi a taraon kadagiti kombension, amin a magastos, agraman abang dagiti pasilidad, panagibangon ti plataporma, ken ti maipaay a sistema ti public address, ket masuportaranto amin babaen ti boluntario a kontribusion. Ammomi a kanayon a laglagipen dagiti amin a tumabuno daytoy. Mabalin nga itinnagyo dagiti donasionyo kadagiti kahon ti kontribusion a naisagana kadagiti kombension. (Kitaenyo ti parapo 12 ti insert iti Nobiembre, 1995 a Ti Ministeriotayo iti Pagarian.)

◼ Tinawen a Teksto iti 1996: Ti tinawen a teksto para iti 1996 ket naadaw iti Santiago 1:22: “Agbalinkayo a managtungpal iti sao.” Maiplastarto koman daytoy baro a teksto kadagiti amin a kongregasion iti Kingdom Hall-da iti Enero 1, 1996.

◼ Pannakaingato ti Gatad ti Magasin: Gapu ti panagngina ti papel ken gastos ti panagimaldit, masapul a maingato ti gatad dagiti magasin mangrugi kadagiti ruar ti Enero, 1996. ₱5.00 ti kontribusionto dagiti agibumbunannag ken ti publiko ket ₱3.50 kadagiti payunir. ₱120.00 ti makatawen a suskripsion ket ₱60.00 para iti innem a bulan. Ti pioneer rate para iti makatawen ket ₱60.00 ken ₱30.00 para iti innem a bulan. (Palagip kadagidiay mangas-asikaso kadagiti magasin: Idinto ta mangrugi daytoy baro a panagsingir kadagiti ruar ti Enero, siguraduenyo a madawat ti baro a gatad no ipaimayo dagitoy a ruar uray no sumangpetda iti Disiembre; ta no saan maapektaran ti kuenta ti kongregasion.)

◼ Baro a Dadakkel-Ietrana a Pagwanawanan: Maragsakankami a mangipakaammo a ti dadakkel-letrana nga edision Ti Pagwanawanan iti Cebuano, Iloko, ken Tagalog mangruginto a maimaldit iti ruarda nga Enero 1, 1996. Daytoy ket kadawyan a magasin ti kadakkelna nga addaan 32 a pinanid ngem awan kolor wenno lamlaminana ket aglaonto laeng kadagiti maadal nga artikulo agraman dagiti saludsod. Agpada ti gatadna iti regular nga edision. Mabalin a pediduen dayta babaen iti indibidual a suskripsion wenno kas distributors’ copies a maipatulod babaen ti kongregasion. No agorderkayo, usarenyo ti gagangay a Watchtower subscription slip (M-1) wenno ti Distributors’ Order form (M-202) sa sibabatad a markaanyo iti makinngato a makannawan a suli iti “LARGE PRINT.” Namnamaenmi a makatulongto daytoy a probision kadagiti natataengan wenno kadagidiay nakapuy ti panagkitada.

◼ Album a Katan-okan a Tao: Gapu ta itukontayo ti libro a Katan-okan a Tao iti Disiembre, nasayaat no Iaglagipentayo a maalan iti Sosiedad ti album dagiti 8 a cassette agpaay iti daytoy a libro iti Ingles. Adu a pamilia ti maragsakan a dumngeg a regular iti daytoy ket masarakanda a makapabileg unay ken makaisuro. Uray dagiti dadduma a mayad-adalan iti Biblia ket mabalin nga interesadoda a gumun-od iti maysa kadagitoy. ₱300.00 ti kontribusion dagiti agibumbunannag ken ti publiko ket ₱230.00 iti payunir. Nupay kasta, ngumatonto daytoy a gatad manipud Enero 1,1996.

◼ Maala a Publikasion Para Kadagiti Bulsek: Maalan iti sanga ditoy Pilipinas ti nagduduma a publikasion ti Maika-2 a Grado iti Braille nga Ingles. No adda asinoman nga am-ammo dagiti agibumbunannag a makabasa iti daytoy a kita ti Braille, mabalin nga agsurat ti sekretario ti kongregasion iti Sosiedad maipaay iti impormasion no kasano a magun-od dagitoy.